पुतलीबजारका किसानलाई अनुदानमा बोयर जातका बाख्रा
स्याङ्जा ।
स्याङ्जाको पुतलीबजार नगरपालिकाले नगरभित्रका बाख्रापालक किसानलाई आयआर्जनमा जोड्न बोयर जातका बोका वितरण गरेको छ । पुतलीबजार नगरपालिका पशु सेवा शाखाको आयोजनामा बाख्रा पालक किसानलाई उत्पादनमा बृद्धि गर्ने उदेश्यले बोयर जातका बाख्रा वितरण गरेको हो ।
आर्थिक बर्ष २०८१÷८२ को बार्षिक नश्ल सुधार कार्यक्रम अन्तर्गत ५० प्रतिशत अनुदानमा नगरपालिकाले बोयर जातका बोका उपलब्ध गराएको छ । नश्ल सुधारगरि नगरपालिकाका बाख्रा उत्पादनमा वृद्धि गर्ने उदेश्यले बोयर जातका बोकाहरु वितरण गरिएको पशु सेवा शाखाका पुष्पराज अधिकारीले जानकारी दिए । बाख्रा पालन गर्ने किसानका लागि पालिकाले आवेदन मागेको र आवेदनका आधारमा १८ जना किसानलाई बोका प्रदान गरिएको अधिकारीले बताए ।
नगरपालिकाका नागरिकको आर्थिक आयआर्जनमा बाख्रा पालनपनि प्रमुख आधार देखिएकोले नगरपालिकाले उन्नत जातका बोयर जातका बोका उपलब्ध गराएको नगर प्रमुख तुलसीराम रेग्मीले बताए । पशुपालक किसानहरुलाई उद्यमशिलतामा जोड्ने अभिप्रायले यो कार्यक्रम अगाडी सारेको रेग्मीको भनाई छ । मासुका लागि बोयर जातको बाख्रा राम्रो हुने देखिएकाले नगरभित्रका सबै बाख्रा पालक किसानलाई यो अभियानमा जोड्ने नगर प्रमुख रेग्मीले बताए ।
कार्यक्रममा नगर उपप्रमुख देवी अर्याल, प्रमुख प्रशासकिय धर्मराज ढुङ्गाना, पशु सेवा शाखाका डा अनिल गौतम, कास्कीका बाख्रापालक किसान दुर्गाबहादुर गुरुङ् लगायतले बाख्रापालनगरि राम्रो आम्दानी लिन सकिने बताए । घाँस र चरनको समस्या नहुँने ठाउँमा बाख्रा पालनमा जोड दिन सकिएमा किसानको आयआर्जनमा सुधार हुने विश्वास बक्ताहरुको छ ।
नेपाल अपडेट
-
‘नीतिगत र दीर्घकालिन अभावले व्यवसायीहरु समस्या भोग्न बाध्य छन्’
-
महायज्ञ : ज्ञान कि धन ?
-
चुनाबमा गरेका बाचा अनुसारको काम सम्पन्न हुदैंछ
-
सम्पादकीय— सुरक्षित खानेपानीको पहल
-
सम्पादकीय— सहकारीहरुको जवाफदेहिता खै !
-
‘नेपाल प्रहरी नागरिकको सारथी हो’
-
वालिङ नगरको सफल कार्यक्रम—‘कृषि उद्यमशीलतामा नागरिकलाई जोड्ने परियोजना’
-
‘नेतृत्वमा दिर्घकालिन सोच भएन भने लोकतन्त्र कमजोर बन्छ’
-
राजमार्गमा उखुको जुस बेच्दै अनिल, स्वदेशमै सुन फलाउने उदाहरणीय युवा ।
-
महोत्सवको चहलपहल— पिंक सिटी महोत्सवले वालिङको पहिचान खोज्दै
प्रतिक्रिया