निर्वाचनमा आचारसंहिता उल्लघंन भए नियन्त्रणमा

भवानी अधिकारी÷ स्याङ्जा ।
मुख्य निर्वाचन कार्यालयको आयोजनामा जिल्ला स्थित निर्वाचन सम्बन्धी गतिबिधी र आचारसंहिता बिषयक सरोकारवालासंग छलफल भएको छ ।
छलफलले बिभिन्न निर्णय समेत गरेको छ । बैशाख ३० गते हुन गइरहेकोे स्थानीय तह निर्वाचनका बेला निर्वाचन आयोगबाट जारी निर्वाचन आचार संहितामा उल्लेखित ब्यवस्थाहरु सबै पक्षबाट पूर्णरुपमा पालना गर्ने जनाउदै कही कर्तावाट उल्लंघन भएमा २४ घण्टा भित्र त्यस्ता गतिबिधिलाई नियन्त्रणमा ल्याउने र आचार संहिता विपरितका प्रचार प्रसार सामाग्रीहरु हटाउने र सो समय भित्र परिपालना नभएमा निर्वाचन अधिकृत एवं सुरक्षा निकाय मार्फत सुधार गरिने निर्णय भएको छ ।
साथै, कानूनले तोके बमोजिमका कानूनी कारवाही यथावत राख्दै साँझ ८ बजेपछि मदिरा लगायतका पदार्थ पिएर होहल्ला गर्न नपाईनेगरी सामुहिक निर्णय भएको छ । छलफल कार्यक्रममा जिल्ला स्थित राजनीतिक दलहरु, सुरक्षा संयन्त्र, नागरिक समाज र पत्रकारहरुको सहभागिता थियो । कार्यक्रममा मुख्य निर्वाचन अधिकृत एवं जिल्ला न्यायधीश बसन्तराज पौडेलले निर्वाचन आचार संहिताका बारेमा जानकारी गराउदै सबै राजनीतिक दलहरुले आ आफना कार्यकर्तालाई संयमतापूर्वक प्रचार प्रसार र निर्वाचनका प्रक्रियामा सहभागी गर्न गराउन सुझाव दिए ।
कार्यक्रममा प्रमुख जिल्ला अधिकारी राजुप्रसाद पौडेलले जिल्लाको सुरक्षा अवस्थाका बारेमा र प्रहरी उपरीक्षक राजीव बस्नेतले निर्वाचनको अघि र पछि हुनसक्ने गतिबिधिका बारेमा जानकारी गराउदै आसन्न निर्वाचन सफलतापूर्वक सम्पन्न गर्न सबैले सहयोग गर्नुपर्नेमा जोड दिए ।
कार्यक्रममा नेकपा एमालेमा सहसचिव तारा शर्मा र नगर अध्यक्ष भरत गोदार, नेपाली कांग्रेसका सदस्य नवराज सुवेदी, नेकपा माओवादी केन्द्रका दुर्गानारायण ढकाल, राष्ट्रिय प्रजातन्त्र पार्टीका पूर्व अध्यक्ष भूमिजंग केसी, नेकपा एकिकृत समाजवादीका लोकराज शर्मा, जनता समाजवादी पार्टीका पमनारायण अर्याल, राष्ट्रिय जनमोर्चाका अध्यक्ष राजेन्द्र गैह्रै, मंगोल नेशनल अर्गनाईजेशनका अध्यक्ष नेमबहादुर गुरुङ, नागरिक समाजका अध्यक्ष ओमप्रकाश शर्मा लगायतले निर्वाचनका बेला आयोगद्धारा जारी आचार संहिता कार्यान्वयनमा जोड दिई स्वस्थ्य र स्वतन्त्र निर्वाचन सम्पन्न गर्नु पर्नेमा जोड दिएका थिए ।

सबै

भीरकोटमा विपन्नको घर बनाउँदै कांग्रेस

• 

  वीपी जन्मजयन्तीको अवसरमा—वेसाहारा महिलाका लागि आवासिय घर

• 

  स्याङ्जाको विकासमा समाज नै बाधक ः सांसद थापा

• 

  रङ्गोत्सवको अवसरमा ४० प्रतिशतसम्म छुट

• 

  हिरापाटा बस्तीको दैनिकी— पानी बोकेर ल्याउने दिनको अन्त्य

• 

  हिरापाटामा पानी बोकेर ल्याउने दिनको अन्त्य

• 

  ईलाका प्रशासन वालिङको कार्यक्षेत्र बिस्तार

सबै

भीरकोटमा विपन्नको घर बनाउँदै कांग्रेस

• 

  वीपी जन्मजयन्तीको अवसरमा—वेसाहारा महिलाका लागि आवासिय घर

• 

  स्याङ्जाको विकासमा समाज नै बाधक ः सांसद थापा