‘श्रमजिवी पत्रकार ऐन कार्यान्वयनमा जोड’
वालिङ ।
श्रमजिवी पत्रकार ऐन कार्यान्वयनको अवस्था, चुनौति र भावी रणनीति विषयक जिल्लास्तरीय अन्तरक्रिया कार्यक्रम आज स्याङ्जाको वालिङमा सम्पन्न भएको छ ।
न्यूनतम पारिश्रमिक निर्धारण समितिको आयोजना तथा नेपाल पत्रकार महासंघ स्याङ्जाको ब्यवस्थापनमा अन्तरक्रिया कार्यक्रम गरिएको हो ।
अन्तरक्रिया कार्यक्रममा बोल्नुहुँदै न्यूनतम पारिश्रमिक निर्धारण समितिका अध्यक्ष संगीता खड्काले श्रमजिवी पत्रकार ऐनलाई कार्यान्वयनमा लगिने बताइन् । उनले ऐन कार्यान्वयनकाक्रममा देखिएका चुनौतिहरुलाई समाधान गर्दै अगाडि बढ्ने बताइन् । ठुला मिडियाका कारण श्रमजिवी ऐन कार्यन्वयनमा कठिनाई देखिएको भन्दै अध्यक्ष खड्काले यसका बिषयमा सबै संघसंगठनहरुले साथ दिनुपर्ने बताइन् ।
कार्यक्रममा नेपाल पत्रकार महासंघ स्याङ्जाका अध्यक्ष श्रीकृष्ण सिग्देलले सरोकारवाला पक्षहरुबीचमा न्युनतम पारिश्रमिक निर्धारणको कार्यान्वयन गर्नमा जोड दिईने बताए । स्याङ्जाको संचारजगत अत्यन्तै कठिन परिस्थतीबाट गुज्रिएको भन्दै अध्यक्ष सिग्देलले यसको समाधानका लागि स्थानीयतह सकरात्मक हुनुपर्ने बताए ।
कार्यक्रममा नेपाल पत्रकार महासंघ स्याङ्जाका निवर्तमान अध्यक्ष ओमप्रकाश शर्मा, नेपाल प्रेस युनियन स्याङ्जाका अध्यक्ष प्रदीप कोईराला, प्रेस चौतारी स्याङ्जाका अध्यक्ष सुशील सुबेदी, प्रेस सेन्टर स्याङ्जाका नारायण विक लगायतले स्याङ्जाको पत्रकारिताको अवस्था, यहाँका चुनौतिहरु र श्रमजिवी पत्रकार ऐन कार्यान्वयनको अवस्थाका विषयमा आ आफ्नो धारणा राखेका थिए ।
नेपाल पत्रकार महासंघ स्याङ्जाका अध्यक्ष श्रीकृष्ण सिग्देलको अध्यक्षतामा सम्पन्न कार्यक्रमको सञ्चालन सहसचिव तोलाकान्त बगालेले गरेका थिए ।
नेपाल अपडेट
-
महोत्सवको चहलपहल— पिंक सिटी महोत्सवले वालिङको पहिचान खोज्दै
-
‘संघियताबाट जनताले विकास भएको अनुभूति गरेका छन्’
-
गल्याङ्मा एचपीभी खोप अभियान शुरु
-
सम्पादकीय— स्याङ्जामा प्रशासकीय अस्थिरता
-
रेडक्रस मानव सभ्यता बचाउने संस्था हो —सांसद थापा
-
विद्यालयको सबै कुराको जिम्मेवारी प्रधानाध्यापकले लिनुपर्छ
-
‘होमस्टे’ संस्कृति र प्रकृति देखाउने माध्यम हो !
-
पालिकाको सर्वाङ्गीण विकासमा ध्यान दिन सुझाएका छौं
-
भीरकोट नगरपालिकाको बजेट शंसोधन गर्दै नगरसभा सम्पन्न
-
अर्जुनचौपारी गाउँपालिकाबाट क्रिकेट तीन खेलाडीलाई सम्मान
प्रतिक्रिया