बैदेशिक रोजगारी सुरक्षित हुनुपर्छ ः नगर प्रमुख भट्टराइ
गल्याङ ।
स्याङ्जाको गल्याङमा सुरक्षित आप्रवासन (सामी) परियोजनाको अभिमुखिकरण कार्यक्रम सम्पन्न भएको छ । सुरक्षित बैदेशिक रोजगारीका क्षेत्रमा काम गरिरहेको सामी परियोजनाले गल्याङ नगरपालिकाको कार्यपालिका सदस्य तथा शाखा प्रमुखहरुका लागि अभिमुखिकरण कार्यक्रमको आयोजना गरेको हो । कार्यक्रममा गल्याङ नगरपालिका प्रमुख गुरु प्रसाद भट्टराईले बाध्यता बनेको बैदेशिक रोजगारीलाई सुरक्षित बनाउनुपर्नेमा जोड दिए । बेरोजगारीको चरम समस्या रहेको देशको अवस्थाका कारण बैदेशिक रोजगारी विकल्प बनेको बताउदै नगर प्रमुख भट्टराईले बैदेशिक रोजगारीलाई सुरक्षित बनाउन आवश्यक रहेको बताए ।
अहिले नेपाली श्रम बजारमा बर्षेनी साढे चार लाख नयाँ श्रम शक्ति आउने गरेको तथ्याङ्क छ उनले भने, ‘यो मध्ये बैदेशिक रोजगारीमा जानेहरुको सुरक्षामा सबैले उत्तिकै ध्यान दिनुपर्नेछ ।’ कामको जानकारी विना बैदेशिक रोजगारीमा जाँदा धेरै समस्या भोग्नुपरेको भन्दै यसका लागि गल्याङ नगरपालिका भरी नै सचेतना बढाउन आवश्क छ उनले भने । नगरप्रमुख भट्टराईले नयाँ श्रम शक्तिलाई अवसरको रुपमा राज्यले लिनुपर्ने बताए ।
कार्यक्रममा नगर उपप्रमुख हेमा न्यौपानेले सुरक्षित बैदेशिक रोजगारीका लागि नगरभरी नै अभियान सञ्चालनको कार्यक्रम ल्याउनुपर्ने बताइन् । नगरपालिकामा रोजगारीको अवसरका लागि विभिन्न कार्यक्रमहरु ल्याउने तयारीमा रहेको भन्दै उनले बाध्यताबश बैदेशिक रोजगारीमा जानेहरुको सुरक्षाका लागि ध्यान दिनुपर्ने धारणा व्यक्त गरिन् । स्विस सरकारसँगको सहकार्यमा सञ्चालन भैरहेको सामी परियोजना स्याङ्जा सहित ३९ जिल्लामा लागू भएको परियोजनाका क्षेत्रीय संयोजक भागिराम थारुले जानकारी दिए ।
उनका अनुसार अहिले नेपालबाट कानुनी बाटो प्रयोग गरेका मात्रै ५६ लाख भन्दा बढि बैदेशिक रोजगारीमा रहेका छन् । स्याङ्जाबाट यस वर्ष छ हजार चार सय ५९ जना बैदेशिक रोजगारीमा रहेको तथ्याङ्क छ । कार्यक्रम संयोजक एकनारायण सापकोटाले गल्याङ नगरपालिका सहित जिल्लामा सुरक्षित बैदेशिक रोजगारीका लागि संस्थाले काम गरिरहेको बताए ।
नेपाल अपडेट
-
महोत्सवको चहलपहल— पिंक सिटी महोत्सवले वालिङको पहिचान खोज्दै
-
‘संघियताबाट जनताले विकास भएको अनुभूति गरेका छन्’
-
गल्याङ्मा एचपीभी खोप अभियान शुरु
-
सम्पादकीय— स्याङ्जामा प्रशासकीय अस्थिरता
-
रेडक्रस मानव सभ्यता बचाउने संस्था हो —सांसद थापा
-
विद्यालयको सबै कुराको जिम्मेवारी प्रधानाध्यापकले लिनुपर्छ
-
‘होमस्टे’ संस्कृति र प्रकृति देखाउने माध्यम हो !
-
पालिकाको सर्वाङ्गीण विकासमा ध्यान दिन सुझाएका छौं
-
भीरकोट नगरपालिकाको बजेट शंसोधन गर्दै नगरसभा सम्पन्न
-
अर्जुनचौपारी गाउँपालिकाबाट क्रिकेट तीन खेलाडीलाई सम्मान
प्रतिक्रिया