कृषिमा विविधिकरण नगरे कृषि उत्पादनमा परनिर्भरता बढ्दै जान्छ –नगरप्रमुख खाँण
मणी अर्याल,
वालिङ ।
वालिङ नगरपालिकाका नगर प्रमुख कृष्ण खाँणले कृषिमा आधुनिकीकरण तथा विविधिकरण गर्न आवश्यक रहेको बताए । १९ औँ राष्ट्रिय धान दिवसको अवसरमा वालिङमा आयोजित धान रोपाईँ कार्यक्रममा नगरप्रमुख खाँणले कृषि उत्पादनमा आधुकीकिरण गर्न आवश्यक रहेको बताएका हुन् । कृषि प्रधान देश भएपनि कृषि उपजमा परनिर्भरता बढ्दै गएकोप्रति खाँणले चिन्ता व्यक्त गरे । नेपाल कृषि प्रधान देश हो,तर हामीले प्रयोग गर्ने कृषिका हरेक उपजहरु बाहिर(भारत)बाट आयात गर्नुपरेको छ नगर प्रमुख खाँणले भने,‘हामी आफ्नै उत्पादनमा निर्भर हुने गरी उत्पादन गर्नतर्फ कदम चाल्नुपर्छ ।’ नगर प्रमुख खाँणले असार १५ ले कृषकहरुमा नयाँ उर्जा थप्ने भएकाले यस दिन जस्तै अन्य दिनहरुमा पनि उर्जाशील भएर कृषि उत्पादनमा लाग्न अनुरोध गरे ।
पछिल्लो तथ्याँङक अनुसार नेपालको अर्थतन्त्रको २७ प्रतिशत हिस्सा कृषि उत्पादनले धान्ने देखिएपनि यस आँकडालाई अझ माथि उकास्नको लागि कृषि उत्पादनमा बढावा दिन तीनै तहका सरकारको ध्यान जान आवश्यक रहेको खाँणको भनाई छ । उनले कृषि क्षेत्रमा युवावर्गलाई आकर्षण गर्न नसक्नु, सिँचाईको पूर्ण प्रबन्ध नहुनु, कृषिमा आधुनीकिकरण नहुनु लगायतका समस्याले धान तथा कृषि उत्पादन बढि हुन नसकेको बताए ।
स्याङ्जामा वालिङ क्षेत्र धान उत्पादनको लागि पकेट क्षेत्रको रुपमा रहे पनि सोँचेअनुसारको उत्पादन हुन नसकेको खाँणको स्वीकारोक्ति छ । उत्पादन वृद्धि गर्न नगरपालिकाले उन्नतजातका बीउ अनुदान, सिँचाईको प्रबन्ध, उत्पादित फसलको बजारीकरण लगायतलाई व्यवस्थित गर्न कार्ययोजना बनाएको जानकारी दिए ।
कृषि एम्बुलेन्स, संकलन केन्द्र लगायतको स्थापनाले कृषकवर्गलाई टेवा पुग्ने नगरप्रमुख खाँणले विश्वास व्यक्त गरे । ‘धान बालीमा जैविक विविधताको उपयोग, आयात प्रतिस्थापनमा सहयोग’ भन्ने मूल नारासहित आयोजित रोपाईँ महोत्सवमा कृषि ज्ञान केन्द्र स्याङ्जाका प्रमुख विनोद हमालले ‘अन्नहरुको राजा’ धानको उत्पादन घट्दै जानु दुखद विषय रहेको उल्लेख गरे । उनले गुणस्तरीय बीउको प्रयोग, आधुनिक खेती प्रणाली लगायतका माध्यमबाट उत्पादन वृद्धि गर्न सकिने सुझाव व्यक्त गरे ।
कृषि विकास श्रोत केन्द्र, वालिङले आयोजना गरेको कार्यक्रममा कृषि ज्ञान केन्द, प्रधानमन्त्री कृषि आधुनीकिरण परियोजना, वालिङ नगरपालिकाको कार्यालय तथा युएनडीपी र दियालो संस्था वालिङले साझेदारी रहेको थियो । यसैबीच स्वाभिमान कृषक आइपीएम महिला समुह, वालिङ १३ पाठखोलाले पनि धान दिवस कार्यक्रम मनाएको छ ।
नेपाल अपडेट
-
विद्यालयको सबै कुराको जिम्मेवारी प्रधानाध्यापकले लिनुपर्छ
-
‘होमस्टे’ संस्कृति र प्रकृति देखाउने माध्यम हो !
-
पालिकाको सर्वाङ्गीण विकासमा ध्यान दिन सुझाएका छौं
-
भीरकोट नगरपालिकाको बजेट शंसोधन गर्दै नगरसभा सम्पन्न
-
अर्जुनचौपारी गाउँपालिकाबाट क्रिकेट तीन खेलाडीलाई सम्मान
-
सम्पादकीय— दीपावली २०८१ को शुभकामना
-
सम्पादकीय— स्वास्थ्यमा महत्वपूर्ण कदम
-
डहरेमा ५० किलोको घण्टी
-
विपिसी अब गुणस्तर सुधारको बाटोमा छ
-
स्याङ्जाका तीन कार्यालय स्वास्थ्य सेवा प्रवाहमा प्रदेशमै उत्कृष्ट
प्रतिक्रिया