महिलाको विकासमा हामी सहकार्य गर्न तयार छौँ –राजदुत भल्क
मणी अर्याल,
वालिङ ।
नेपालका लागि अष्टेलियन राजदुत फेलोसिटी भल्कले महिला नेतृत्व विकासको लागि सहकार्य गर्न अष्टेलिया तयार रहेको बताइन् । वालिङ नगरपालिकाले आयोजना गरेको शिष्टाचार भेटघाट कार्यक्रमलाई सम्बोधन गर्दै राजदुत भल्कले महिलाहरुलाई सक्षम बनाउँदै आत्मनिर्भर बनाउन सके स्थानीय सरकारको सफलता देखिने बताइन् । उनले अष्टेलिया सरकार र नेपालका विभिन्न पालिकाहरुसँगको सहकार्यमा सञ्चालित कार्यक्रमहरुले सफलता पाएकोमा खुशी व्यक्त गरीन् ।
नागरिकको समृद्धिको लागि विचार तथा कार्यगत योजनाहरुको पारस्परिक रुपमा लेनदेन हुन आवश्यक रहेको उल्लेख गर्दै राजदुत भल्कले अष्टेलियाका विभिन्न स्थानीय तहहरुमा पनि वालिङ नगरपालिकाले लागू गरेका विकासका मोडेलहरु अवलम्बन गरिएको जानकारी दिइनु ।
कार्यक्रममा वालिङ नगरपालिकाका नगरप्रमुख कृष्ण खाँणले नगरपालिकामा नयाँ जनप्रतिनिधिको रुपमा निर्वाचित भएको छोटो समयमा नै नेपालका लागि अष्टे«लियन राजदुतसँग साक्षात्कार गर्न पाउँदा खुशी लागेको बताए । उनले यस्ता भेटघाटले शिष्टाचार सम्बन्ध र दिगो मित्रतामा थप टेवा पुग्ने बिश्वास गरे ।
वालिङ नगरपालिका र दी एसिया फाउण्डेशनबीच सम्झौता भई सञ्चालनमा रहेको स्थानीय सरकार सबलीकरण कार्यक्रमले नगर विकासको लागि सहयोग पुगेको उल्लेख गर्दै नगरप्रमुख खाँणले आगामी दिनमा यस्ता कार्यक्रमहरुको निरन्तरताको अपेक्षा व्यक्त गरे ।
नगरप्रमुख खाँणले अष्ट्रेलियाको संघीयता कार्यान्वयनको सिकाईलाई आदानप्रदान गर्नका लागि त्यहाँका सफल स्थानीय सरकारहरुसंग भगिनी सम्बन्ध स्थापित गरेर अष्ट्रेलिया र वालिङ नगरपालिकाको प्रगाढ सम्बन्धको निरन्तरता चाहना व्यक्त गरे ।
वालिङ नगरपालिकाका उप्रमुख कविता तिवारी तथा कार्यपालिका सदस्यहरुले महिला विकास तथा नेतृत्व क्षमता अभिवृद्धिको लागि राजदुत भल्कसँग अन्तक्र्रिया गरेका छन् ।
नगर उपप्रमुख तिवारीले महिला सक्षमता कार्यक्रमको लागि अष्टेलियन सरकारको सहयोग रहने अपेक्षा व्यक्त गरे ।
साक्षात्कार कार्यक्रममा वालिङ नगरपालिकाका प्रमुख प्रशासकीय अधिकृत राजन भट्टराईले वालिङ नगरपालिकाले नागरिकको समृद्धिको लागि गरेका कामहरुको संक्षिप्तमा प्रस्तुत गरे । वालिङ नगरपाकिाले गरेका फोहोरमैला व्यवस्थापन, कोभिड–१९ प्रभावितहरुको व्यवस्थापन लगायतका विषयमा जानकारी गराए ।
उनले नागरिकको सेवा प्रवाहलाई सहज बनाउन मोबाइल एप्स तथा सुचना प्रविधिको प्रयोगलाई महत्व दिइएको बताए । राजदुत भल्कले वालिङ नगरपालिकाले सञ्चालन गरेको इनोभेशन सेन्टर,फोहोरमैला व्यवस्थापन केन्द्र लगायत अवलोकन गरेकी थिइन् ।
नेपाल अपडेट
-
महोत्सवको चहलपहल— पिंक सिटी महोत्सवले वालिङको पहिचान खोज्दै
-
‘संघियताबाट जनताले विकास भएको अनुभूति गरेका छन्’
-
गल्याङ्मा एचपीभी खोप अभियान शुरु
-
सम्पादकीय— स्याङ्जामा प्रशासकीय अस्थिरता
-
रेडक्रस मानव सभ्यता बचाउने संस्था हो —सांसद थापा
-
विद्यालयको सबै कुराको जिम्मेवारी प्रधानाध्यापकले लिनुपर्छ
-
‘होमस्टे’ संस्कृति र प्रकृति देखाउने माध्यम हो !
-
पालिकाको सर्वाङ्गीण विकासमा ध्यान दिन सुझाएका छौं
-
भीरकोट नगरपालिकाको बजेट शंसोधन गर्दै नगरसभा सम्पन्न
-
अर्जुनचौपारी गाउँपालिकाबाट क्रिकेट तीन खेलाडीलाई सम्मान
प्रतिक्रिया