भीरकोटलाई पर्यटकीय हब बनाउछौं ः उम्मेद्वार अर्याल
भीरकोट ।
नेकपा एमालेकी सचिव एवं स्याङ्जा निर्वाचन क्षेत्र नम्बर २ बाट प्रतिनिधिसभा सदस्यको उम्मेद्वार पदमा कुमारी अर्यालले भीरकोटलाई पर्यटकीय हबको रुपमा विकास गर्ने बताएकी छन् । मंसिर ४ गते हुने प्रतिनिधि सभा तथा प्रदेशसभा सदस्य निर्वाचनको लागि भीरकोट नगरपालिकाका मतदाताहरु संँगको भेटघाट कार्यक्रममा पूर्व मन्त्री समेत रहेकी अर्यालले सो कुरा बताएकी हुन् । भीरकोटमा स्वरेक मैदान, खिलुङ, ओखतीपानी जस्ता महत्वपूर्ण पर्यटकीय तथा ऐतिहासिक स्थलहरु रहको र यी स्थलहरुका माध्यमबाट यस क्षेत्रको विकास गर्ने सकिने बताउँदै उनले यस क्षेत्रलाई पर्यटकीय हबका रुपमा विकास गर्न आफु लागिपर्ने बताईन् ।
भीरकोट ६ र ७ को सिमलचौर, खिलुङ, चिउरीखर्क लगायतका स्थानहरुमा पुगेर मतदाताहरुसंँग भेटघाट गर्दै अर्यालले एमालेको तर्फबाट उम्मेद्वार भएका उम्मेद्वारलाई आगामी मंसिर ४ गते हुने निर्वाचनमा मतदान गरेर सुखी नेपाली , समृद्ध नेपाल बनाउने अभियानमा सहभागी हुन समेत आम मतदाताहरुलाई आग्रह गरेकी थिईन् ।
अर्यालले यस अघि आफू मन्त्रालयमा रहँदा स्वरेकमा प्याराग्लाइडिङ स्पोर्टको निर्माण गरी त्यहाँसम्म पुग्नका लागि वालिङ र बयरघारीदेखि स्वरेक जान सडक कालोपत्रे गर्नका लागि बजेट विनियोजन गरेएको र पहिलो चरणमा केही किमी सडक कालोपत्रे भइसकेको बताउँदै बाँकी रहेका सडक फेरि अर्को चरणमा कालोपत्रे गर्नुका साथै स्तरउन्नती गर्ने समेत बताईन् । भीरकोटमा रहेका पर्यटकीय गाउँहरुलाई होमस्टेको रुपमा विकास गरी यहाँका नागरिकहरुको आय आर्जनलाई वृद्धि गर्न आफ्नो पहलमा होमस्टेहरुका लागि बजेट बिनियोजन गरेको उनले बताईन् ।
भेटघाट कार्यक्रममा गण्डकी प्रदेश क्षेत्र नम्बर २ क बाट प्रदेशसभा सदस्यका उम्मेद्वार मोहन रेग्मीले जिल्लाका होमिस्टेहरुलाई ग्रामीण पर्यटकीय क्षेत्रका रुपमा विस्तार गर्नका लागि नेकपा एमालेको नेतृत्वमा सरकार हुँदा गण्डकी प्रदेश सरकारले बजेट विनियोजन गरेको र त्यो बजेटले धेरै पर्यटकीय गाउँहरुमा पूर्वाधारहरु समेत निर्माण भएको बताए । नेकपा एमालेले मात्रै जनचाहना अनुसार काम गर्ने दाबी गर्दै उनले एमालेका उम्मेद्वारको पक्षमा मतदान गर्न आग्रह गरे ।
नेपाल अपडेट
-
विद्यालयको सबै कुराको जिम्मेवारी प्रधानाध्यापकले लिनुपर्छ
-
‘होमस्टे’ संस्कृति र प्रकृति देखाउने माध्यम हो !
-
पालिकाको सर्वाङ्गीण विकासमा ध्यान दिन सुझाएका छौं
-
भीरकोट नगरपालिकाको बजेट शंसोधन गर्दै नगरसभा सम्पन्न
-
अर्जुनचौपारी गाउँपालिकाबाट क्रिकेट तीन खेलाडीलाई सम्मान
-
सम्पादकीय— दीपावली २०८१ को शुभकामना
-
सम्पादकीय— स्वास्थ्यमा महत्वपूर्ण कदम
-
डहरेमा ५० किलोको घण्टी
-
विपिसी अब गुणस्तर सुधारको बाटोमा छ
-
स्याङ्जाका तीन कार्यालय स्वास्थ्य सेवा प्रवाहमा प्रदेशमै उत्कृष्ट
प्रतिक्रिया