नागरिकका गुनासा सम्बोधन गर्न कल सेन्टर संचालनमा
पब्लिक आवाज
वालिङ ।
स्थानीय सरकार जनहितका लागि समर्पित हुनुपर्ने कुरामा कसैको बिमति छैन तर प्रशासनको नियम, कानुन र प्रक्रिया छरितो छैन । नियम, कानुन र प्रक्रियाको व्याख्या, आफ्ना मान्छे, चिनेजानेका मान्छे, स्वार्थ गाँसिएका मान्छे र ठूलाबडाका लागि अलगअलग हुनु चाहिँ अहिलेको मुख्य समस्या हो । सयौँको लाइनमा पालो कुरेर बस्नेलाई ओभरटेक गर्दै पहुँचवालाले चुड्कीका भरमा काम फत्ते गर्ने गराउने परिपाटीका कारण हाम्रो प्रशासन आमसेवाग्राहीको नजरमा लोकप्रिय हुन सकेको छैन । तर केही स्थानीय तहहरुले भने नागरिकमैत्री सेवा दिने प्रयास गरेको पाईन्छ ।
स्याङ्जाको वालिङ नगरपालिका नागरिकमैत्री बन्दै गएको छ । नागरिकका गुनासा सुन्न तथा ती गुनासाहरुलाई व्यवस्थित रुपमा सम्बोधन गर्न पालिकाले स्थापना गरेको कल सेन्टर संचालनमा आएको छ । वालिङबासीहरुले टोल फ्री नं १६६०६३४२००४, हटलाइन नं ०६३–५९७००० , अनलाइन पोर्टल र इमेलका माध्यमबाट गुनासो, राय तथा सुझाव राख्न सक्ने पालिकाले जनाएको छ ।
नागरिकका वैयक्तिक, पारिवारिक तथा सामुदायिक रुपमा आइपरेका समस्या तथा नगरपालिकाको काम कारवाहीका विषयमा सिधा सम्पर्क कायम गर्न कल सेन्टर स्थापना गरिएको नगरप्रमुख कृष्ण खाँणले जानकारी दिए । नगरपालिकाभित्रका १४ वटै वडाहरुमा नगरले गरेका कामहरु, तिनका प्रभाव तथा आवश्यक जानकारी लिन कल सेन्टरले सहयोग पुग्ने नगरप्रमुख खाँणले विश्वास व्यक्त गरेका छन् । उनले भने ‘सबै जनप्रतिनिधिहरु नागरिकमाझ पुगिनसकेको अवस्था पनि हुनुसक्छ, नागरिकका गुनासाहरु धेरै हुनसक्छन्, ती गुनासाहरुलाई सहज रुपमा छिटो सुनुवाई गर्न कल सेन्टर लाभदायी हुनेछ ।’
नगरका गतिविधिहरु नागरिकमाझ पु¥याउन नगरपालिकाले प्रविधिको बढी मात्रामा प्रयोग गरेको उल्लेख गर्दै नगरप्रमुख खाँणले सामान्य कामको लागि नागरिकले नगरपालिकाको कार्यालयसम्म आउनुपर्ने स्थिति नहुने बताए । नगरपालिकाले सुशासन कायम गर्न कल सेन्टरको स्थापना गरेको नगर उपप्रमुख कविता तिवारी गैह्रेले बताइन् । समयको मागअनुरुप नागरिकलाई सहज सेवा प्रवाह गर्न कल सेन्टर फलदायी हुने गैह्रेको विश्वास छ । कल सेन्टरमा फोन गर्दा कुनै शूल्क नलाग्ने प्रमुख प्रशासकीय अधिकृत राजन भट्टराईले जानकारी दिए । डेस्कमा आएका गुनासाहरुलाई सम्बन्धित निकाय तथा शाखा प्रमुखहरुले सम्बोधन गर्ने उनको भनाई छ ।
नेपाल अपडेट
-
‘होमस्टे’ संस्कृति र प्रकृति देखाउने माध्यम हो !
-
पालिकाको सर्वाङ्गीण विकासमा ध्यान दिन सुझाएका छौं
-
भीरकोट नगरपालिकाको बजेट शंसोधन गर्दै नगरसभा सम्पन्न
-
अर्जुनचौपारी गाउँपालिकाबाट क्रिकेट तीन खेलाडीलाई सम्मान
-
सम्पादकीय— दीपावली २०८१ को शुभकामना
-
सम्पादकीय— स्वास्थ्यमा महत्वपूर्ण कदम
-
डहरेमा ५० किलोको घण्टी
-
विपिसी अब गुणस्तर सुधारको बाटोमा छ
-
स्याङ्जाका तीन कार्यालय स्वास्थ्य सेवा प्रवाहमा प्रदेशमै उत्कृष्ट
-
शुभलक्ष्मी सहकारीको १२औं वार्षिक साधारण सभा सम्पन्न
प्रतिक्रिया