तिनकोठे शौचालयलाई ५९५ बोरा सिमेन्ट

स्याङ्जा ।
गल्याङ नगरपालिका ६ पिडिखोला स्थित् नरोदय माविमा निर्माण गरिएको ३ कोठे शौचालयमा ५ सय ९५ बोरा सिमेन्ट प्रयोग भएको देखिएको छ । शिक्षक अभिभावक संघले विद्यालयको सामाजिक लेखापरिक्षण गर्नेक्रममा शौचालय निर्माण गर्दा ५ सय ९५ बोरा सिमेन्ट लागेको देखिएको हो । एउटै बिलमा ५ सय ९५ बोरा सिमेन्ट खरिद गरेको देखिएपछि शौचालय निर्माणमा अनियमितता भएको आशंक विद्यालय व्यवस्थापन समिति र शिक्षक अभिभावक संघले गरेको छ । विद्यालयलाई शौचालय बनाउन पुर्ननिर्माण प्राधिकरणले १४ लाख भन्दा बढी रकम दिएको थियो । सो रकमबाट पनि शौचालय निर्माणमा रकम अपुग भएपछि ५ लाख विद्यालयले थप गरी १९ लाख लागेको लेखापरिक्षण गर्दा देखिएको शिक्षक अभिभावक संघका अध्यक्ष मेघनाथ बस्यालले जानकारी दिए ।

आर्थिक बर्ष २०७७÷२०७८ को सामाजिक लेखापरिक्षण गर्दा विद्यालयमा धेरै नै अनियमितता भएको शंका लाग्यो बस्यालले भने,‘विद्यालयको हिसाबकिताव हेर्न थालेपछि विद्यालयका प्रअ बेखबर हुनुभयो ।’ ३ महिनादेखी प्रअ विद्यालय नआउदा अन्य हिसावकिताव पनि हेर्न पाईएन उनले भने । एउटै शौचालयमा त्यतीधेरै सिमेन्ट लागेको हिसाब देखिएपछि हामीलाई विद्यालयमा आर्थिक अनियमितता भएको छ भन्ने लागेको बताए । म शिक्षक अभिभावक संघको अध्यक्ष नहुदै शौचालयमा घोटला भयो भन्ने हल्ला सुनेको थिए उनले भने,‘अहिले सामाजिक लेखा परिक्षण गर्दा त्यस्ता भेटियो ।’ अब प्रअ आएपछि यस बिषयमा अझै गहिरिएर छानविन गर्नुपर्छ उनले भने ।

शौचालय निर्माणमा ५ सय ९५ बोरा सिमेन्ट खर्च भएको भन्ने हल्लाले अहिले स्थानीयहरु पनि दङ्ग परेको बताइएको छ । ३ महिना बेखबर रहेका भनिएका विद्यालयका प्रअ प्रेम शर्मा पौडेल भने शुक्रवार मात्रै विद्यालय पुगेका छन् । उनले आफुले विद्यालय व्यवस्थापन समिति र गल्याङ् नगर शिक्षा शाखालाई जानकारी गराएर बिदामा बसेको बताए । शौचालयमा कसरी त्यतीधेरै सिमेन्ट लाग्यो भन्ने प्रश्नमा प्रअ पौडेलले भने,‘कोभिड र बाढीपहिरो गएका बेला निर्माण गर्दा शौचालय निर्माणमा धेरै खर्च भयो ।’ विद्यालय ग्रामिण क्षेत्रमा रहेको र निर्माण सामाग्री ल्याउदा ढुवानी महङ्गो पर्न गएको हो उनले भने । धेरै लामो समय म बाहिर भएको र हिसाब पुरानो भएकाले सबै बिषय खातापाता हेरेपछि मात्रै थाहा हुने उनले बताए । शौचालय निर्माणमा केही महङ्गो भएको महशुष आफुलाई लागेको छ उनले भने,‘व्यापारीले भ्याटको बिला मिलाउदा सिमेन्टका बोरा धेरै देखाएको छ ।’ कतिपय विद्यालयका सानातिना कामको हिसाब मिलान गर्दा त्यस्तो देखिन गएको होला उनले भने ।

प्राविधिकहरुका अनुसार सामान्यतय ३ कोठे शौचालय बनाउदा धेरै लागेका २ सय बोरा भए पुग्ने बताएका छन् । सेप्टीट्याङ्की सहितको स्टाण्डर शौचालय बनाउदा २ सय बोरा भन्दा बढी नलाग्ने प्राविधिकहरुको भनाई छ । तर नरोदय माविले निर्माण गरेको सामान्य शौचालयमा ५ सय ९५ बोरा सिमेन्ट लाग्नु मिलेमतोमा अनियमिता भएको देखिन्छ । यस बिषयमा गल्याङु नगरपालिका र सम्वन्धित् निकायले छानविन गरिनु आवश्यक छ ।

प्रतिक्रिया

सबै

भीरकोटमा विपन्नको घर बनाउँदै कांग्रेस

सबै

भीरकोटमा विपन्नको घर बनाउँदै कांग्रेस

नेपाल अपडेट

MENU