न्यायका लागि दबाब दिन दिनभर प्रहरी कार्यालय घेराउ

स्याङ्जा ।
जिल्ला प्रहरी कार्यालय स्याङ्जाले कर्तव्य ज्यान मुद्दामा अनुसन्धान फितलो गरेको भन्दै पुतलीबजार नगरपालिका वडा नं १३ का महिलाहरूले दिनभर जिल्ला प्रहरी कार्यालय स्याङ्जा र जिल्ला अदालत स्याङ्जा घेराउ गरेका छ्न्। पीडितलाई न्याय दिनुपर्ने भन्दै जिल्ला प्रहरी कार्यालय स्याङ्जा र जिल्ला अदालत स्याङ्जामा घेराउ गरी उनीहरुले दबाब सृजना गरेका हुन्। घरायसी विवादका कारण श्रीमान र जेठाजुको कुटपिटबाट स्याङ्जाको पुतलीबजार नगरपालिका वडा नं १३ निवासी कमला न्यौपाने सुवेदीको मृत्यु भएको थियो। गत वर्ष माघ २२ गते राती भएको कुटपिटबाट गम्भीर घाइते भएकी न्यौपानेको चैत्र ७ गते काठमाडौंको नर्भिक अस्पतालमा उपचारका क्रममा निधन भएको थियो।

घटना संकास्पद भएपछि मृतक न्यौपानेका दुई छोरी र एक छोरासहित माइती पक्षले ४ जना विरुद्ध उजुरी दिएका थिए। उक्त उजुरीका आधारमा घटनामा संलग्न भएकाहरुलाई पक्राउ गरिएको थियो भने मृतकका श्रीमान् लक्ष्मीप्रसाद न्यौपानेले कुटपिट गरेको स्वीकार गरेपछी कर्तव्य ज्यान मुद्दा अगाडि बढाइएको र पुर्पक्षका लागि जिल्ला कारागार चलान गरिएको थियो। घटनामा संलग्न अमाजुलाई म्याद थप गरी अनुसन्धान गरिरहेको र जेठाजु केशवराज न्यौपानेलाई जिल्ला अदालत स्याङ्जाले दुई लाख धरौटीमा छाडिदिएको थियो। धरौटीमा छुटेका जेठाजु केशवराज न्यौपानेलाई समेत कर्तव्य ज्यान मुद्दामा अनुसन्धान गर्नुपर्ने भन्दै महिलाहरूले प्रहरी कार्यालय र जिल्ला अदालत घेराउ र नारबाजी गरेका थिए। फरार रहेका न्यौपानेलाई पुन पक्राउ गर्नुपर्ने उनीहरूको माग छ। मृत्यु भैसकेको व्यक्तिलाई न्याय नदिई राजनैतिक दबाबमा अनुसन्धान फितलो गरेको, प्रहरी र अदालत दुबै पैसामा बिकेको भन्दै महिलाहरुले अदालत र प्रहरी विरूद्ध नाराबाजी गरेका थिए। महिलाहरू र माइती पक्षको टोलीले दबाब सहित न्यायका लागि जिल्ला प्रहरी घेराउ गर्ने समयमा प्रहरीसङ्ग हातपात हुँदा मृतकका भाइ जीवन सुवेदी घाइते समेत भएका छन्।

प्रतिक्रिया

सबै

रङ्गोत्सवको अवसरमा ४० प्रतिशतसम्म छुट

सबै

रङ्गोत्सवको अवसरमा ४० प्रतिशतसम्म छुट

नेपाल अपडेट

MENU