घरघरमै सुत्केरी पोषण एवं परामर्श सेवा
भीरकोट ।
भीरकोट नगरपालिका वडा नं ले आव २०८०÷८१ मा नयाँ नयाँ कार्यक्रम सुरू गरेको छ। “सुत्केरीलाई पोषण र परामर्श सेवा” नाम दिइएको कार्यक्रम अन्तर्गत वडाका जनप्रतिनिधि , स्वास्थ्य चौकीका अनमी र प्रमुख, आमा समुहका प्रतिनिधि सुत्केरी आमाको घरमै पुगेर कुखुराको भाले र न्यानो कपडा प्रदान गर्न थालेका छन्। घरदैलोमै पुग्ने स्वास्थकर्मीले आमा र बच्चाको स्वास्थ्य अवस्थाको बारेमा जानकारी लिइ आवश्यक स्वास्थ्य सेवा र परामर्श दिने गर्दछन् भने जनप्रतिनिधिले सुखदुःख र अन्य समस्याका बारेमा समेत जानकारी लिन्छन्। २ जना सुत्केरी आमाहरूलाई कुखुराको भाले र अन्य पोषण सामाग्री दिएर बिहीबारबाट कार्यक्रमको शुभारम्भ गरिएको छ। माझखर्ककि कुसुम खनाल र शालीकोषकी सावित्रा सुनुवारलाई पोषण र परामर्श सेवा दिइएको वडाले जनाएको छ।
“सुत्केरीलाई पोषण र परामर्श सेवा ” कार्यक्रम कार्यान्वयन गर्न वडाले १ लाख रूपैयाँ बजेट छुट्याएको वडा अध्यक्ष नन्दलाल खनालले जानकारी दिए।फिल्डमा सँगै खटिने वडा सचिवले जन्मदर्ताका लागि आवश्यक पर्ने कागजात जुटाउने र ३५ दिन भित्रै जन्मदर्ता गर्नुपर्ने विषय आमाबाबुलाई बुझाउने गर्दछन्। सरोकारवाला सबैको सहकार्य रहने यो कार्यक्रम बालमैत्री भीरकोट अभियानलाई सार्थकता दिन अगाडि सारिएको वडा अध्यक्ष खनालको दावी छ। वडामा औषत रूपमा ३५ जना महिला सुत्केरी हुने गरेको वडा कार्यालय र स्वास्थ्य संस्थाको तथ्यांकले देखाएको छ। बजेटले अधिकतम ५० जना सम्मलाई पोषण सुविधा दिन सकिने वडा अध्यक्षको भनाई छ। यसअघि नै नगरपालिकाले प्रोटोकल अनुसार नियमित रूपमा स्वास्थ्य संस्थामा गर्भपरीक्षण गराउने, स्वास्थ्य संस्थामै बच्चा जन्माउने र ३५ दिनभित्रै जन्मदर्ता गराउने आमाहरूलाई पोषण भत्ता बापत नगद ५ हजार रूपैयाँ बैंक खातमार्फत दिंदै आएको छ। गत आव २०७९÷८० मा मात्रै १ सय ९४ जना सुत्केरी आमाहरूले पोषण भत्ता वापतको सुविधा लिएका छन् ।
नेपाल अपडेट
-
राजमार्गमा उखुको जुस बेच्दै अनिल, स्वदेशमै सुन फलाउने उदाहरणीय युवा ।
-
महोत्सवको चहलपहल— पिंक सिटी महोत्सवले वालिङको पहिचान खोज्दै
-
‘संघियताबाट जनताले विकास भएको अनुभूति गरेका छन्’
-
गल्याङ्मा एचपीभी खोप अभियान शुरु
-
सम्पादकीय— स्याङ्जामा प्रशासकीय अस्थिरता
-
रेडक्रस मानव सभ्यता बचाउने संस्था हो —सांसद थापा
-
विद्यालयको सबै कुराको जिम्मेवारी प्रधानाध्यापकले लिनुपर्छ
-
‘होमस्टे’ संस्कृति र प्रकृति देखाउने माध्यम हो !
-
पालिकाको सर्वाङ्गीण विकासमा ध्यान दिन सुझाएका छौं
-
भीरकोट नगरपालिकाको बजेट शंसोधन गर्दै नगरसभा सम्पन्न
प्रतिक्रिया