विद्युत प्राधिकरणको लापरबाहीले स्थानीयलाई सास्ती
भीरकोट ।
नेपाल विद्युत प्राधिकरण स्याङ्जाको लापरबाही र ढिलासुस्तीले गर्दा भीरकोटका जनताले दुःख पाएका छ्न्। भीरकोट नगरपालिकाको वडा ३ बानेथोकदेउराली गाउँमा रहेको ट्रान्सर्फमर पुनस्थापित नहुँदा गाउँलेहरू समस्यामा परेका हुन्। गत असार २७ गते जलेको ट्रान्सर्फमर डेढ महिना बित्न लाग्दा पनि प्राधिकरणले पुनस्थपित गरेको छैन। जसका कारण गाउँहरूलाई कुटानी पिसानीमा समस्या भएको छ।असार २७ गते जलेको ट्रान्सर्फमर निरीक्षणका लागि ३१ गते आएका विद्युत प्राधिकरणका कर्मचारीहरूले बत्ती बल्ने गरि मर्मत गरेको भएपनि नयाँ ट्रान्सर्फमर जडान नगरिदिँदा स्थानीयहरूले सास्ती बेहोर्नु परेको हो।
स्थानीय समाजसेवी विजय काफ्ले भन्छन, नयाँ ट्रान्सर्फमर जडानका लागि हामीले पटकपटक विद्युत प्राधिकरण स्याङ्जामा सम्पर्क गर्यौँ। बयरघारीदेखी गाउँसम्म ढुवानीको व्यवस्था पनि हाम्रै खर्चमा गर्छौं भन्दा पनि लामो समयसम्म प्राधिकरणले समस्या समाधानमा चासो दिएको छैन। गाउँमै विद्युत लोड व्यवस्थापनका लागि वडा नं ३ को वडा कार्यालय नजैकै राखेको ट्रान्सर्फमर एक वर्ष हुनै लाग्दा पनि प्रयोगमा आएको छैन् । गाउँ ट्रान्सर्फमरविहिन हुँदा कुटानी पिसानीका लागि २ सय देखि ३ सय ४० रूपैयाँ भाडा तिरेर डाँडाकोट र बयरघारी जानुपर्ने बाध्यता भएको स्थानीय गृहणी पार्वती काफ्लेले दुखेसो पोखिन् ।
वडा नं ३ का वडा अध्यक्ष केशरबहादुर खड्काले जनताको गुनासो आएपछि प्राधिकरणमा पटकपटक फोन सम्पर्कको प्रयास गरेको तर फोन सम्पर्क हुन नसकेको बताए। ट्रान्सर्फमरको विषयमा विद्युत प्राधिकरण स्याङ्जाका प्रमुख प्रताप बरालसँग सम्पर्क गर्दा सडकको अवस्थाका कारण प्राधिकरणको सवारी साधन गाउँ पुग्ने नसक्ने भएकाले ढिलाई भएको बताए। उनले भने , पुरानो ट्रान्सर्फमर चार्ज गर्ने र ट्रान्सर्फमर फेर्ने काम अबको एक हप्ता भित्रै गर्छौ।
वडा नं ३ मा बुटबल पावर कम्पनी लिमिटेड , नेपाल विद्युत प्राधिकरण र सामुदायिक विजुली गरि ३ थरी बिजुली छ। तर प्राधिकरण र विपिसिको लापरबाहीले गर्दा जनताले विद्युतीय उपकरण प्रयोगमा समस्या छ। बिपिसिको बिजुली प्रयोग गरिरहेका स्थानीयहरूले राइसकुकरमा भात पकाउन समस्या भएको बताए। बत्ती बाल्दा भात पाक्न घण्टौ लाग्छ तर यसको समाधान गर्न सेवा प्रदायक र स्थानीय तहले कुनै पहल नगरेको उनीहरूको गुनासो छ।
नेपाल अपडेट
-
पालिकाको सर्वाङ्गीण विकासमा ध्यान दिन सुझाएका छौं
-
भीरकोट नगरपालिकाको बजेट शंसोधन गर्दै नगरसभा सम्पन्न
-
अर्जुनचौपारी गाउँपालिकाबाट क्रिकेट तीन खेलाडीलाई सम्मान
-
सम्पादकीय— दीपावली २०८१ को शुभकामना
-
सम्पादकीय— स्वास्थ्यमा महत्वपूर्ण कदम
-
डहरेमा ५० किलोको घण्टी
-
विपिसी अब गुणस्तर सुधारको बाटोमा छ
-
स्याङ्जाका तीन कार्यालय स्वास्थ्य सेवा प्रवाहमा प्रदेशमै उत्कृष्ट
-
शुभलक्ष्मी सहकारीको १२औं वार्षिक साधारण सभा सम्पन्न
-
गल्याङमा डेंगु रोग ‘खोज र नष्ट’ गर अभियान
प्रतिक्रिया