लायन्स क्लब अफ भीरकोटलाई बेस्ट इमर्जिङ अवार्ड
भीरकोट ।
पोखरामा शनिबार सम्पन्न लायन्स क्लब इन्टरनेशनल ३२५ एम अन्तर्गतको क्याविनेट मिटिङ कार्यक्रममा लायन्स क्लब अफ भीरकोटले दुई वटा अवार्ड पाएको छ । क्लबले बेस्ट इमर्जिङ अवार्ड र उच्चतम सक्रियता अवार्ड पाउन सफल भएको हो । नेपाल भरिमा लायन्स क्लब अफ भीरकोट उत्कृष्ट हुदै उक्त पुरस्कार प्राप्त गरेको क्लबका अध्यक्ष यामप्रसाद अधिकारी ‘लक्ष्मण’ले जानकारी दिए । लायन्स क्लब अफ भीरकोट स्थापना भएपछि पहिलो पटक क्याविनेट मिटिङमा क्लवले सहभागिता जनाएको समेत उनले बताए । पहिलो सहभागीतामा नै आफ्नो क्लबले दुइ वटा अवार्ड पाउदा एकदमै खुशी लागेको उनले बताए । क्लबको ३१ जना सदस्यमा १० जना क्याविनेट बैठकमा उपस्थित भएको अध्यक्ष अधिकारीले जानकारी दिए ।
लायन्स क्लब अफ भीरकोट यस क्षेत्रका सामाजिक व्याक्तित्वहरु आवद्ध भएर यसै वर्ष मात्र स्थापना भएको क्लब हो । कार्यक्रममा सहभागी वक्ताहरुले यसै बर्ष मात्र स्थापना भएको क्लबले सामाजिक र मानवीय सेवाका क्षेत्रमा नमूना र सिर्जनशील कामहरु गरेर सबैका लागि उदाहरणीय बन्न सफल भएको बताए । कार्यक्रममा लायन्स इन्टरनेसनल डिस्ट्रिक्ट ३२५ एमका गभर्नर भिमलाल पौडेलले लायन्स क्लब भीरकोटले अझ राम्रो काम गर्ने विश्वास व्यक्त गर्दै यो क्लब सबैका लागि प्रेरणा हुने बताए । लायन्स क्लबहरुको कर्तब्य नै निस्वार्थ भावनाले आफु भन्दा कमजोर बर्ग र समुदायलाई सेवा गर्नु रहेको भन्दै त्यसमा क्रियाशील हुन सुझाव दिए ।
लक्षित वर्ग र समुदायमा सामाजिक सेवाका कार्यक्रम गर्न लायन्स क्लब अफ भीरकोट तल्लीन देखिन्छ । आफ्नो एक वर्षे कार्यकालमा कार्यसमितिको वैठकमा छलफल गरेर हङगर रिलिफ, बालबालिकाको आंखा चेक जाच, महिलाको पाठेघरको चेकजांच, रक्तदान, बृक्षारोपण, दुर्गम क्षेत्रमा सेनिटरी प्याड वितरण लगायत नेतृत्व बिकास तालीम, सदस्य बिस्तार, सामाजिक जनचेतनामूलक कार्यक्रम, फेलोशिप कार्यक्रम र कानुनी सचेतना लगायतका कार्यक्रमहरु गर्ने क्लबका अध्यक्ष अधिकारीले बताए । लायन्सका माध्यमबाट समाजमा योगदान दिन सकिने देखेर नै लायनवादमा प्रवेश गरेको अधिकारी बताउछन् । यसले नेतृत्व विकासको अवसर र आपसी भाईचाराको सम्बन्धको निर्माणमा समेत महत्वपूर्ण भूमिका खेलेको अधिकारीको भनाई छ ।
नेपाल अपडेट
-
महोत्सवको चहलपहल— पिंक सिटी महोत्सवले वालिङको पहिचान खोज्दै
-
‘संघियताबाट जनताले विकास भएको अनुभूति गरेका छन्’
-
गल्याङ्मा एचपीभी खोप अभियान शुरु
-
सम्पादकीय— स्याङ्जामा प्रशासकीय अस्थिरता
-
रेडक्रस मानव सभ्यता बचाउने संस्था हो —सांसद थापा
-
विद्यालयको सबै कुराको जिम्मेवारी प्रधानाध्यापकले लिनुपर्छ
-
‘होमस्टे’ संस्कृति र प्रकृति देखाउने माध्यम हो !
-
पालिकाको सर्वाङ्गीण विकासमा ध्यान दिन सुझाएका छौं
-
भीरकोट नगरपालिकाको बजेट शंसोधन गर्दै नगरसभा सम्पन्न
-
अर्जुनचौपारी गाउँपालिकाबाट क्रिकेट तीन खेलाडीलाई सम्मान
प्रतिक्रिया