महिला हिंसा विरूद्ध अन्तरक्रिया

स्याङ्जा ।

स्याङ्जाको त्रिभुवन आदर्श बहुमुखी क्याम्पसमा महिला हिंसासम्बन्धी विशेष कार्यक्रम सम्पन्न भएको छ । नगरपालिकाद्वारा आयोजित उक्त कार्यक्रममा प्रमुख अतिथि नगर प्रमुख तुलसीराम रेग्मीले पुतलीबजारद्वारा महिला हिंसासम्बन्धी जनचेतना कार्यक्रम भइरहेको बताउँदै महिलाहरूले कुनै प्रकारको हिंसा सहन नहुने र हिंसा भएमा प्रहरी तथा नगरपालिकामा उजुरी दिन आग्रह गरेका थिए । कार्यक्रममा जिल्ला प्रहरी कार्यालय स्याङ्जाका महिला सेल प्रमुख प्रहरी सहायक निरीक्षक धनमाया शाक्यले जिल्लामा महिला हिंसा सम्बन्धी घटनाहरूको स्थितिका सम्बन्धमा प्रकाश पारेकी थिइन् । उनका अनुसार यस वर्ष जिल्ला प्रहरी कार्यालय स्याङ्जामा दर्ता भएका महिला हिंसासम्बन्धी घटना १३, बाल यौन दुराचारका २, जबर्जस्ती करणीका ३, बालबालिकाविरूद्धको कसुर २, बहुविवाह २ र ठाडो निवेदन ५ रहेको छ ।
स्नातक र स्नातकोत्तर तहका करिब १०० जना विद्यार्थीहरूका बिचमा सञ्चालित उक्त कार्यक्रममा पुतलीबजार शिक्षा शाखाकी प्राविधिक सहायक शोभा बस्यालले महिलाहरू जताततै हिंसामा परेको भन्दै कतिपय हिंसाका घटना बाहिर आउन नसकिरहेको अवस्थामा महिलाहरू स्वयम् जागरूक हुन आवश्यक रहेको बताइन । कार्यक्रममा क्याम्पस प्रमुख बाबुकुमार सिग्देल, प्राध्यापकद्वय सोम लम्साल र युवराज पौडेल, कार्यपालिका सदस्य यसोदा अर्याल, विद्यार्थी प्रतिमा भण्डारी लगायतले महिला हिँसा विरूद्ध बोलेका थिए । महिला हिंसा विरूद्धको १६ दिने अभियान यही मंसिर ९ बाट सुरू भइ मंसिर २४ गते समापन हुने सन्दर्भमा पुतलीबजार नगरपालिकाले त्रिभुवन आदर्श क्याम्पसका विद्यार्थीहरूका बिचमा अन्तरक्रिया कार्यक्रम आयोजना गरेको हो ।

सबै

भीरकोटमा विपन्नको घर बनाउँदै कांग्रेस

• 

  वीपी जन्मजयन्तीको अवसरमा—वेसाहारा महिलाका लागि आवासिय घर

• 

  स्याङ्जाको विकासमा समाज नै बाधक ः सांसद थापा

• 

  रङ्गोत्सवको अवसरमा ४० प्रतिशतसम्म छुट

• 

  हिरापाटा बस्तीको दैनिकी— पानी बोकेर ल्याउने दिनको अन्त्य

• 

  हिरापाटामा पानी बोकेर ल्याउने दिनको अन्त्य

• 

  ईलाका प्रशासन वालिङको कार्यक्षेत्र बिस्तार

सबै

भीरकोटमा विपन्नको घर बनाउँदै कांग्रेस

• 

  वीपी जन्मजयन्तीको अवसरमा—वेसाहारा महिलाका लागि आवासिय घर

• 

  स्याङ्जाको विकासमा समाज नै बाधक ः सांसद थापा