हरेक नेपाली नागरिकता विहिन हुनुपर्दैन–प्रजिअ नेपाल

मणी प्रसाद अर्याल,
वालिङ ।
स्याङ्जा जिल्लाका प्रमुख जिल्ला अधिकारी सुनिता नेपालले नेपाली नागरिक नागरिकता विहिन नहुने बताएकी छन् । सोमबार वालिङ नगरपालिकामा आयोजित जनप्रतिनिधिहरुसँगको अन्तरक्रिया कार्यक्रममा बोल्दै प्रमुख जिल्ला अधिकारी नेपालले नेपाली पहिचान खुल्ने कागजात भए नागरिकताबाट बञ्चित हुन नपर्ने बताएकी हुन् । उनले पालिकाका जनप्रतिनिधि तथा कर्मचारीहरुले व्यक्तिगत घटना दर्ता गर्दा संयमता अपनाउन पनि आग्रह गरीन् । घटना दर्ता वैयक्तिक पक्षसँग सम्बन्ध राख्दछ, व्यक्तिको जीवन, आय आर्जन लगायतका विषयसँग जोडिएको हुँदा व्यावहारिकतामा समेत घटना दर्ता गर्नुपर्ने धारणा व्यक्त गरीन् । अधिकारी नेपालले संयमता अपनाएर नागरिकलाई नागरिकताको प्रमाणपत्रको सिफारिस गर्नु जनप्रतिनिधि र कर्मचारीको दायीत्वय भएको बताइन् ।

अधिकारी नेपालले आमाबाबु नै नभएका बालबालिकाको लागि पनि संरक्षक खोजेर भएपनि जन्मदर्ता गर्न अनुरोध वडा सचिवहरुलाई आग्रह गरिन् । कतिपय नागरिकहरु कानुनको अज्ञानताको कारण नागरिकताको सिफारिस लिन कहाँ जाने भन्ने समेत जानकारी नहुने उल्लेख गर्दै उनीहरुको समस्यालाई ख्याल राख्दै कानुनको दायरामा रही घटना दर्ता तथा आवश्यक सिफारिस गर्न जनप्रतिनिधि तथा कर्मचारीहरुलाई आग्रह गरीन् ।

जिल्ला प्रशासन कार्यालय स्याङ्जाको आयोजना तथा वालिङ नगरपालिकाको व्यवस्थापनमा आयोजित अन्तरक्रिया कार्यक्रममा वालिङ नगरपालिकाका प्रमुख कृष्ण खाँणले जनप्रतिनिधि र कर्मचारी एक आपसमा समन्वय गरेर काम गर्नुपर्ने बताए । उनले कर्मचारी र जनप्रतिनिधि दुवैले नागरिकको सेवा गर्ने भएकाले दुवैले नागरिकका भावना बुझेर काम गर्नुपर्ने बताए । नगरप्रमुख खाँणले जिल्ला प्रशासन कार्यालयले विपद्को जोखिममा परेको नागरिकलाई राज्यले दिनुपर्ने राहत उपलब्ध नभएकोले उक्त विषयमा तत्काल निर्णय गरी टुङ्गो लगाइदिन आग्रह प्रजिअ नेपाललाई आग्रह गरे ।

कार्यक्रममा नगर उपप्रमुख कविता तिवारी गैह«ेले आफ्नो क्षेत्राधिकार प्रयोग गरी काम गरे समस्या नआउने बताइन् । उनले कानुनको परिधिमा रहेर नागरिकको काम गर्दा समस्या नआउने जिकिर गरीन् । अन्तरक्रिया कार्यक्रममा वालिङ नगरपालिकाका जनप्रतिनिधिहरु र कर्मचारीहरुले नागरिकता, विवाह दर्ता, जन्मदर्ता, पेन्सनरहरुका समस्या, शैक्षिक प्रमाणपत्रमा फरक नामथर सच्याउने लगायतका विषयमा जिज्ञासा राखेका थिए ।

सबै

भीरकोटमा विपन्नको घर बनाउँदै कांग्रेस

• 

  वीपी जन्मजयन्तीको अवसरमा—वेसाहारा महिलाका लागि आवासिय घर

• 

  स्याङ्जाको विकासमा समाज नै बाधक ः सांसद थापा

• 

  रङ्गोत्सवको अवसरमा ४० प्रतिशतसम्म छुट

• 

  हिरापाटा बस्तीको दैनिकी— पानी बोकेर ल्याउने दिनको अन्त्य

• 

  हिरापाटामा पानी बोकेर ल्याउने दिनको अन्त्य

• 

  ईलाका प्रशासन वालिङको कार्यक्षेत्र बिस्तार

सबै

भीरकोटमा विपन्नको घर बनाउँदै कांग्रेस

• 

  वीपी जन्मजयन्तीको अवसरमा—वेसाहारा महिलाका लागि आवासिय घर

• 

  स्याङ्जाको विकासमा समाज नै बाधक ः सांसद थापा