वालिङ नगरमा जम्बो सल्लाहकार समिति

वालिङ ।
स्याङ्जाको वालिङ नगरपालिकाले जम्बो सल्लाहकार समिति गठन गरेको छ । वालिङ नगरपालिकालाई योगदान पु¥याएका र समृद्ध नगर बनाउन नगरपालिकाले जम्बो सल्लाहकार समिति गठन गरेको हो । वालिङ नगरपालिकाको माघ २९ गते बसेको नगर कार्यपालिकाको बैठकले ५१ सदस्यीय सल्लाहकार समिति गठन गरेको छ ।

सल्लाहकार समितिको संयोजक निवर्तमान नगर प्रमुख दिलिपप्रताप खाँण रहनेगरी विभिन्न विद्यामा रहेका व्याक्तिहरुलाई सल्लाहकार समितिमा मनोनयन गरिएको नगर प्रमुख कृष्ण खाँणले जानकारी दिए । राजनैतिक, समाजिक, सञ्चार, स्वास्थ्य, निजामति र उद्यमशिलता क्षेत्रमा क्रियाशिल व्याक्तिहरुबाट समेटेर सल्लाहकारमा मनोनित गरेको नगर प्रमुख खाँणको जिकिर छ । ‘स्मार्ट सिटी’ तर्फ उन्मुख वालिङ नगरपालिकालाई स्माट नगर बनाउन टेवा पुग्ने उदेश्यले सल्लाहकार समिति निर्माण गरिएको बताइएको छ ।
वर्तमान नगर प्रमुख कृष्ण खाँण र सल्लाहकार समितिका संयोजक तोकिएका दिलिपप्रताप खाँण २०७९ को स्थानीयतहको निर्वाचनमा प्रतिस्पधी थिए । झण्डै २२ सय मतले पराजित भएका सल्लाहकार समितिका संयोजक दिलिपप्रताप खाँण अहिले वर्तमान नगर प्रमुख कृष्ण खाँणले सल्लाहकार समितिको संयोजक तोकिदिएर जिम्मेवारी दिने तयारीमा रहेको बुझिएको छ । नगरको विकासका लागि भावी योजना तर्जुमामा केही खाका कोर्न अनुभवी व्याक्तिहरुबाट सहज हुने विश्वास लिएको नगर प्रमुख खाँणले बताए ।

यो समिति सर्वपक्षीय, सर्वदलीय र नितान्त नगरको विकासको लागि निर्माण गरिएको नगर प्रमुख खाँणको दावी छ । हामीले यसबाट सकारात्मक तथा प्रभावकारी प्रतिफल पाउन सक्ने विश्वास लिएको उनले बताए । वालिङ नगरसभामा ७५ जना जनप्रतिनिधि रहेका छन् । नगरसभाकै झल्को दिनेगरी सल्लाहकार समिति निर्माणगर्दा जनताबाट चुनिएका जनप्रतिनिधिको मानमर्दन हुनसक्ने आशंका व्यक्त गरिएको छ । स्थानीय सरकार संचालन ऐनमा सल्लाहकार समिति मनोनयन गर्न पाइने व्यवस्था छैन । तर स्थानीय सरकार स्वायत्त निकाय भएकाले सिमित सल्लाहकार समिति बनाउन भने मिल्ने विज्ञहरु बताउछन् । वालिङमा जन्मेर वालिङलाई केही गर्नुपर्छ भन्ने मनोभाव राखेका सम्मानित व्याक्तिहरुलाई सम्मान गर्न सल्लाहकारमा मनोनयन गरेको वालिङ नगरका नगर प्रवक्ता पदमराज गुरुङ्ले बताए । यो सल्लाहकार समिति आवश्यकता अनुसार अझै बढ्न सक्ने संकेत समेत उनले गरे । यसले आर्थिक भार पर्ने होइन उनले भने,‘दिनभन्दा पनि लिनका लागि सल्लाहकार समिति बनाइएको हो ।’ यसमा कुनै शंका गर्नुपर्ने बिषय छैन उनले भने ।

गठन गरिएका सल्लाहकार समितिको सदस्यहरुमा लालचन्द्र गैह्रे, अग्नी काफ्ले, डा. दिनेश काफ्ले, बिष्णुबहादुर द्धारे, शोभाकान्त पौडेल, बावुराम रेग्मी, आनन्द काफ्ले, डा.दिनेश काफ्ले, डा.अच्युत शरण अर्याल, डा.दर्शनकुमार गुरुङ, डा.दिनेश वि.क., डा.लेखनाथ शर्मा पाठक, डा.राजन शर्मा, प्रा.डा.दिपक सुवेदी, डा.पवमान सुवेदी, उमाकान्त पराजुली, निलकण्ठ काफ्ले, त्रिलोचन पंगेनी, कमल जिटी, मेघ आले, डोलराज शर्मा पंगेनी, रीना राना, लेखनाथ बगाले, जीवनारायण काफ्ले, जलेश्वर पाण्डे, दिपक पाण्डे, राजेन्द्र प्रसाद पाण्डे, कल्पना बस्याल, लक्ष्मीकान्त रेग्मी, ई. विष्णु प्रसाद काफ्ले, टेकप्रसाद लुईटेल, दामोदर कोईराला, माधव प्रसाद आचार्य, अमृत श्रेष्ठ, नारायण श्रेष्ठ, जगन्नाथ तिवारी, भूवन काफ्ले, शालिक सुवेदी, देविप्रसाद बगाले, द्रोेणराज काफ्ले, लोकनाथ रेग्मी, नारायण भण्डारी, ध्रुव शर्मा पंगेनी, दिनेश तिवारी (दिनकर), डा. गिरीधारी शर्मा, तारा सुवेदी, सागर बगाले र अनन्तराज डुम्रे रहेका छन् ।

सबै

भीरकोटमा विपन्नको घर बनाउँदै कांग्रेस

• 

  वीपी जन्मजयन्तीको अवसरमा—वेसाहारा महिलाका लागि आवासिय घर

• 

  स्याङ्जाको विकासमा समाज नै बाधक ः सांसद थापा

• 

  रङ्गोत्सवको अवसरमा ४० प्रतिशतसम्म छुट

• 

  हिरापाटा बस्तीको दैनिकी— पानी बोकेर ल्याउने दिनको अन्त्य

• 

  हिरापाटामा पानी बोकेर ल्याउने दिनको अन्त्य

• 

  ईलाका प्रशासन वालिङको कार्यक्षेत्र बिस्तार

सबै

भीरकोटमा विपन्नको घर बनाउँदै कांग्रेस

• 

  वीपी जन्मजयन्तीको अवसरमा—वेसाहारा महिलाका लागि आवासिय घर

• 

  स्याङ्जाको विकासमा समाज नै बाधक ः सांसद थापा