राजनीतिकदलको लक्ष्य मानवसेवा हो — संघिय सांसद थापा

वालिङ ।
नेपालका राजनीतिकदलको एकमात्र लक्ष्य मानवसेवा भएको संघिय सांसद राजु थापाले बताएका छन् । नेपाल रेडक्रस सोसाईटी स्याङ्जाको ३९ औं जिल्ला सभा तथा नवनिर्मित सभाहलको शुभारम्भ गर्दै सांसद थापाले मानव सेवा भन्दा अर्को लक्ष्य राजनीतिकदलको नभएको बताएका हुन् । विश्वभर अशान्ती र द्वन्दको प्रमुख कारण मानवतालाई बेवास्ता गर्नु रहेको तर्क राख्दै सांसद थापाले मानवताको बेवास्ता गर्दा रुस युक्रेन युद्ध तथा विभिन्न ठाउँमा अनावश्यक द्वन्द र विवाद भईरहेको बताए ।

समस्यामा परेका जिल्लाका नागरिकको जीवनयापन सहज गराउन नेपाल रेडक्रस सोसाईटी स्याङ्जाले गरिरहेको क्रियाकलापको प्रशंसा गर्दै थापाले यसलाई निरन्तरता दिन सुझाव दिए । नेपाली कांग्रेस स्याङ्जाका सभापति समेत रहेका सांसद थापाले राजनीतिकदल र रेडक्रसको सहकार्य आवश्यक रहेकोमा जोड दिए । कार्यक्रममा सांसद थापाले रेडक्रस सोसाईटी स्याङ्जाले निर्माण गरेको सभाहलको उद्घाटन गरेर शुभारम्भ समेत गरिदिएका छन् ।

विभिन्न व्यक्ति र संघ संस्थाको सहयोग र सहकार्यमा सभाहलको निर्माण गरिएको भन्दै रेडक्रस सोसाईटी स्याङ्जाका अध्यक्ष दिनेश अर्यालले समस्यामा परेका नागरिकको सहयोगमा आफूहरु निरन्तर लागि रहेको जानकारी गराए । कार्यक्रममा जिल्ला समन्वय समिति स्याङ्जाका सभापति श्रीप्रसाद जिटी,रेडक्रस सोसाईटीका पूर्ब केन्द्रीय सदस्य हिरादेशी शर्मा, सहायक प्रमुख जिल्ला अधिकारी दिपक पौडेल, स्याङ्जा उद्योग बाणिज्य संघका अध्यक्ष महादेव शर्मा, नागरिक समाजका अध्यक्ष ओमप्रकाश शर्मा, पत्रकार महासंघ स्याङ्जाका उपाध्यक्ष राधाकृष्ण डुम्रे, मेख बहादुर गुरुङ, बन्दना लम्साल लगायतले रेडक्रस स्याङ्जाले कोभिड १९को महामारीमा खेलेको भूमिकाको प्रशंसा गरेका थिए ।

रेडक्रस स्याङ्जाले रक्तसञ्चार केन्द्रको सञ्चालन, डायलाईसिस केन्द्र सञ्चालको सहकार्य लगायतका काम समेत गर्दै आएको छ । सभापति अर्यालको अध्यक्षतामा सम्पन्न भएको कार्यक्रममा उपसभापति लक्ष्मी थापाले स्वागत र रेडक्रस स्याङ्जाका उपमन्त्री खगेन्द्रप्रसाद अर्यालले सञ्चालन गरेका थिए । सभाको बन्दसत्रले सभापति दिनश अर्याल, मन्त्री रामचन्द्र अर्याल, कोषाध्यक्ष महेश बहादुर थापाले पेश गरेको प्रतिवेदन तथा लेखापरिक्षण प्रतिवेदन पारित गरेको छ । सभामा जिल्लाका विभिन्न उपशाखाका सदस्यहरुको सहभागिता रहेको थियो ।

सबै

भीरकोटमा विपन्नको घर बनाउँदै कांग्रेस

• 

  वीपी जन्मजयन्तीको अवसरमा—वेसाहारा महिलाका लागि आवासिय घर

• 

  स्याङ्जाको विकासमा समाज नै बाधक ः सांसद थापा

• 

  रङ्गोत्सवको अवसरमा ४० प्रतिशतसम्म छुट

• 

  हिरापाटा बस्तीको दैनिकी— पानी बोकेर ल्याउने दिनको अन्त्य

• 

  हिरापाटामा पानी बोकेर ल्याउने दिनको अन्त्य

• 

  ईलाका प्रशासन वालिङको कार्यक्षेत्र बिस्तार

सबै

भीरकोटमा विपन्नको घर बनाउँदै कांग्रेस

• 

  वीपी जन्मजयन्तीको अवसरमा—वेसाहारा महिलाका लागि आवासिय घर

• 

  स्याङ्जाको विकासमा समाज नै बाधक ः सांसद थापा