एमाले स्याङ्जाको अधिवेसन लोगो सार्वजनिक
स्याङ्जा ।
नवौ जिल्ला अधिवेसनको तयारीमा जुटेको नेपाल कम्युनिष्ट पार्टी एमाले स्याङ्जाले लोगो सार्वजनिक गरेको छ । स्याङ्जाको पहिचान झल्किने र सवै जातजातीलाई एकताको सुत्रमा बाँध्ने चिन्ह अंकित गरिएको नवौ जिल्ला अधिवेसनको लोगो सार्वजनिक गरिएको जिल्ला अध्यक्ष सूर्य प्रसाद गैह्रे(पारस)ले जानकारी दिए ।
गोलाकार अंकित लोगोमा पार्टीको चुनाव चिन्हको छत्रछाँया मूनी पार्टीको झण्डा बोकेका कार्यकर्तालाई चित्रण गरिएको छ । यस्तै आँधिखोला नदीले आँधिखोले सभ्यता झल्काएको छ । स्याङ्जाको सुन्तला र कफीलाई आर्थिक समृद्धिसँग जोड्न खोजिएको छ । लोगोको मुनि भागमा सबै जातजातीको कला संस्कृतिलाई देखाईएको छ । जस्ले यहाँको जातीय एकता मजबुत छ भन्ने सन्देश दिएको अध्यक्ष गैह्रेले लोगोको परिचय दिए ।
जिल्ला पार्टी कार्यालय स्याङ्जामा लोगो सार्वजनिक गर्दै अध्यक्ष गैह्रेले जिल्ला भित्रको पार्टीलाई मजबुत बनाउने गरी अधिवेशन सम्पन्न गरिने बताए । यही चैत २३ र २४ गते आयोजना हुने नवौं अधिवेशनको नेकपा एमालेका अध्यक्ष केपी शर्मा ओलीले उद्धघाटन गर्ने कार्यक्रम रहेको अध्यक्ष गैह्रेले बताए ।
अधिवेशनको समय नजिकिंदै गर्दा जिल्लाको नेतृत्व सम्हाल्ने उम्मेदवारको चर्चा पनि स्याङ्जामा बढ्न थालेको छ । अहिले अध्यक्षको आकांक्षीमा बहालवाला जिल्ला अध्यक्ष सूर्य प्रसाद गैह्रे र सचिव राजेन्द्र डुम्रेको चर्चा छ । यस्तै पूर्व सासंद र प्रदेश कमिटीका पदाधिकारी समेत जिल्ला अध्यक्षको आकांक्षी रहेको चर्चा छ । चर्चा रहेपनि अहिले सम्म जिल्ला अध्यक्षको उम्मेदवारी भने घोषणा गरेका छैनन् ।
नेपाल अपडेट
-
पालिकाको सर्वाङ्गीण विकासमा ध्यान दिन सुझाएका छौं
-
भीरकोट नगरपालिकाको बजेट शंसोधन गर्दै नगरसभा सम्पन्न
-
अर्जुनचौपारी गाउँपालिकाबाट क्रिकेट तीन खेलाडीलाई सम्मान
-
सम्पादकीय— दीपावली २०८१ को शुभकामना
-
सम्पादकीय— स्वास्थ्यमा महत्वपूर्ण कदम
-
डहरेमा ५० किलोको घण्टी
-
विपिसी अब गुणस्तर सुधारको बाटोमा छ
-
स्याङ्जाका तीन कार्यालय स्वास्थ्य सेवा प्रवाहमा प्रदेशमै उत्कृष्ट
-
शुभलक्ष्मी सहकारीको १२औं वार्षिक साधारण सभा सम्पन्न
-
गल्याङमा डेंगु रोग ‘खोज र नष्ट’ गर अभियान
प्रतिक्रिया