लायन्स क्लबको संयोजनमा डेङ्गु सचेतना तथा सरसफाई

भीरकोट ।

लायन्स क्लब अफ भीरकोटको संयोजनमा भीरकोटमा डेङ्गु, हैजारोग सचेतना तथा सरसफाई कार्यक्रम सम्पन्न भएको छ । सचेतना तथा सरसफाई कार्यक्रममा भीरकोट नगरपालिका, भीरकोट जेसिज, सन्त निरंकारी मण्डल, भीरकोट उद्योग वाणिज्य संघ लगायतका संघ संस्थाहरूको सहभागिता रहेको थियो । सचेतना तथा सरसफाई कार्यक्रममा दार्सिङ देखि प्रहरी चौकी सम्म डेङ्गु र हैजाका कारण, लक्षण र बच्ने उपाय तथा सरसफाइको महत्त्वका बारेमा माइकिङ गरिएको थियो भने आवश्यकता अनुसार सरसफाइ पनि गरिएको थियो ।

वर्षायाममा खानेपानीका स्रोतहरू दुषित हुने, घर वरपर र सार्वजनिक स्थलमा पानी जम्ने हुँदा हैजा तथा डेङ्गुको प्रकोप हुने भएकाले सचेतना तथा सरसफाई कार्यक्रम गरिएको लायन्स क्लब अफ भीरकोटका अध्यक्ष ढाकाराम खनालले जानकारी दिए । भीरकोट जेसिजका अध्यक्ष भरत खड्काले महामारीबाट बच्न सरसफाईमा ध्यान दिनुपर्ने बताउँदै स्वास्थ्य सचेतना कार्यक्रममा भीरकोटमा क्रियाशील संघसंस्थाबिच एकता भएकोमा खुशी व्यक्त गरे । स्वास्थ्यकर्मी जगदिश खनालले डेङ्गु तथा हैजा रोगको लक्षणहरूको बारेमा जानकारी गराउँदै लायन्सको अग्रसरतामा स्वास्थ्य सचेतना कार्यक्रम भएकोमा खुशी व्यक्त गरे । लायन्स क्लब अफ भीरकोटका संस्थापक अध्यक्ष याम प्रसाद अधिकारी (लक्ष्मण) ले लायन्स सामाजिक र मानवीय सहायतमा जुट्ने संस्था भएको प्रष्ट पार्दै सचेतना र सरसफाई कार्यक्रममा जुट्नुहुने सबैलाई धन्यवाद व्यक्त गरेका थिए।

सबै

रङ्गोत्सवको अवसरमा ४० प्रतिशतसम्म छुट

• 

  हिरापाटा बस्तीको दैनिकी— पानी बोकेर ल्याउने दिनको अन्त्य

• 

  हिरापाटामा पानी बोकेर ल्याउने दिनको अन्त्य

• 

  ईलाका प्रशासन वालिङको कार्यक्षेत्र बिस्तार

• 

  टोल—टोलमा तीज— नेपाली महिलाहरुले उत्सवका साथ मनाउदै

• 

  ‘औद्योगिकरण नभएसम्म आर्थिक समृद्धि सम्भव छैन’

• 

  फर्निचर उद्योगबाट सामान चोरी गर्ने पक्राउ

सबै

रङ्गोत्सवको अवसरमा ४० प्रतिशतसम्म छुट

• 

  हिरापाटा बस्तीको दैनिकी— पानी बोकेर ल्याउने दिनको अन्त्य

• 

  हिरापाटामा पानी बोकेर ल्याउने दिनको अन्त्य