जेष्ठ नागरिकलाई सम्झिने दिवस
क्रान्ति अर्याल
गल्याङ ।
ज्येष्ठ नागरिकलाई सामाजिक सुरक्षा भत्ता वितरण गर्न सुरू गरिएको सम्झनामा नेपालमा प्रत्येक वर्ष पुस ११ गते राष्ट्रिय ज्येष्ठ नागरिक दिवस मनाइन्छ । यसै सन्दर्भ पारी सामाजिक विकास कार्यालय स्याङ्जाले चापाकोट नगरपालिकाको समन्वयमा चौथो राष्ट्रिय जेष्ठ नागरिक दिवस मनाएको छ । श्री राधा दामोदर आरोग्य आश्रम चापाकोट नगरपालिका –६ स्याङ्जामा जेष्ठ नागरिक दिवस मनाएर सम्पन्न गरेको छ ।
उक्त कार्यक्रममा सामाजिक विकास कार्यालय स्याङ्जाले ज्येष्ठ नागरिकहरूको सम्मान स्वरुप श्री राधा दामोदर आरोग्य बृद्वाआश्रममा बस्ने २२ जना जेष्ठ नागरिक र अन्य ८ जना जेष्ठ नागरिक गरि जम्मा ३० जनालाई न्यानो कम्बल वितरण गरेको सामाजिक विकास कार्यालयका प्रमुख जीवन पौडेलले जानकारी दिए । कार्यक्रममा बोल्दै चापाकोट नगरपालिकाका उपप्रमुख ईसा रानाले जेष्ठ नागरिकको योगदान र अनुभवको कदर गर्दै समाजमा उनीहरूको महत्वलाई उजागर गर्नुपर्ने बताइन् । जेष्ठ नागरिकको ज्ञान र सिपलाई राष्ट्र हितमा जोड्नुपर्ने उपप्रमुख रानाले जोड दिइन् ।
त्यसैगरी वडा नं– ६ का वडाअध्यक्ष तारा पोख्रेलले ज्येष्ठ नागरिकहरूको सामाजिक सुरक्षा, स्वास्थ्य सेवा र सम्मानका लागि सरकार र समाज दुवैको सक्रिय सहभागिताको आवश्यकता रहेको बताए । ज्येष्ठ नागरिक दिवसले ज्येष्ठ नागरिकहरूको सम्मान, सामाजिक सुरक्षा र अधिकारको महत्वलाई उजागर गर्दै उनीहरुको जीवन सहज र मर्यादित बनाउन समाज र सरकारले सामूहिक प्रयास गर्नुपर्ने बताए । यस दिनले उनीहरूको योगदानको कदर गर्दै नयाँ पुस्तालाई जिम्मेवार बनाउन प्रेरणा दिने अध्यक्ष पोख्रेलको भनाई थियो ।
नेपालमा मनाइदै आएका हरेक दिवसमा सामाजिक कार्यालय स्याङ्जाले साथ दिदै आएको छ । लुकेका प्रतिभाको खोजी र नखोजिएका मानवीय संवेदनशिलतामा समाजिक विकास कार्यालयले महत्वपुर्ण भुमिका खेल्दै आएको स्थानीयले बताएका छन् । जेष्ठ नागरिक दिवसलाई कार्यालयले अत्यन्तै महत्वमा राखेर मनाइएको पौडेलले बताए ।
नेपाल अपडेट
-
महोत्सवको चहलपहल— पिंक सिटी महोत्सवले वालिङको पहिचान खोज्दै
-
‘संघियताबाट जनताले विकास भएको अनुभूति गरेका छन्’
-
गल्याङ्मा एचपीभी खोप अभियान शुरु
-
सम्पादकीय— स्याङ्जामा प्रशासकीय अस्थिरता
-
रेडक्रस मानव सभ्यता बचाउने संस्था हो —सांसद थापा
-
विद्यालयको सबै कुराको जिम्मेवारी प्रधानाध्यापकले लिनुपर्छ
-
‘होमस्टे’ संस्कृति र प्रकृति देखाउने माध्यम हो !
-
पालिकाको सर्वाङ्गीण विकासमा ध्यान दिन सुझाएका छौं
-
भीरकोट नगरपालिकाको बजेट शंसोधन गर्दै नगरसभा सम्पन्न
-
अर्जुनचौपारी गाउँपालिकाबाट क्रिकेट तीन खेलाडीलाई सम्मान
प्रतिक्रिया