जनप्रतिनिधिद्वारा विद्यालयको स्वर्ण महोत्सव बहिस्कार

अर्जुनचौपारी ।

अर्जुनचौपारी गाउँपालिका –१ को पञ्चकन्या माविको स्वर्ण महोत्सव गाउँपालिकाका जनप्रतिनिधीले बहिस्कार गरेका छन् । गण्डकी प्रदेशका पुर्व सामाजिक विकास तथा शिक्षा मन्त्री एवं नेपाली काँग्रेसका प्रदेश उपसभापति मेखलाल श्रेष्ठ प्रमुख अतिथि भएको महोत्सव जनप्रतिनिधीले बहिस्कार गरेका हुन् । ३३ जना जनप्रतिनिधि पालिकामा रहेकोमा ५ जना एमालेबाट निर्वाचित र २८ जना नेपाली काँग्रेसबाट निर्वाचित जनप्रतिनिधि यहाँ रहेका छन् ।

नेपाली काँग्रेसबाट निर्वाचित जनप्रतिनिधि दुई तिहाई भन्दा बढी रहेको यहाँ विवादीत ढंगले गरिएको महोत्सवमा सहभागी नभएको वडा अध्यक्ष रण बहादुर थापाले बताए । प्रदेशका पुर्व मन्त्रीको वरियता नदेखिएकाले र स्वर्ण महोत्सवमा मुख्य व्याक्ति बनाएको तथा वरियता नमिलाएपछि पालिकाका सबै जनप्रतिनिधिले बहिस्कार गरेको थापाले बताए । पालिका अध्यक्षको वरियता १५ रहेको र प्रदेशका पुर्व सांसद तथा मन्त्रीको वरियता नभेटिएको थापाको भनाई थियो । कार्यक्रममा गाउँपालिका अध्यक्ष प्रकाश तिवारीलाई विशिष्ट अतिथिको रुपमा निमन्त्रणा गरिएको थियो । पालिका अध्यक्ष भन्दा ठुलो प्रदेश र संघीय सांसद तथा प्रदेश एवं संघका बहालवाला मन्त्री रहेकोमा उहाँहरु नआएपछि जनमत अवज्ञा गरेको भन्दै सबै जनप्रतिनिधिले बहिस्कार गरेका हुन् । कस्तो कार्यक्रममा जाने कस्तोमा नजाने उहाँले जान्नुपर्ने बताउदै थापाले जुनसुकै ठाउँमा जानेको तर्क गर्नु कुनै अर्थ नभएको बताए ।

 

विद्यालय व्यवस्थापन समिति अध्यक्ष नै बेखबर

विद्यालयको कुनै पनि निर्णय गर्न विद्यालय व्यवस्थापन समिति अध्यक्षको निर्णय अनिवार्य रहन्छ । यो विद्यालयको स्वर्ण महोत्सवका विषयमा समितिका अध्यक्ष फणी नारायण अर्याल भने अनविज्ञ रहेका छन् । आफुले राजिनामा पनि नदिएको र कुनै जानाकारीविना स्वर्ण महोत्सव गरिएको अर्यालको भनाई थियो । अर्यालले आफुलाई खबर नै नभएको र समितिका सदस्यलाई ज्येष्ठ सदस्य बनाएर बैठक बसी स्वर्ण महोत्सब गरेको सुनेको बताए । ज्येष्ठ सदस्य हो भने पदेन सदस्य वडा अध्यक्ष नै ज्येष्ठ हुनुहुन्थ्यो, कसरी कसले अरुलाई सभापति र निर्णय गर्ने अधिकार दियो उहाँको प्रश्न थियो । महोत्सवमा शिक्षक अभिभावक संघको अध्यक्ष समेतलाई जानाकारी नभएको र अन्तिम दिन अभिभावक भएकाले पत्र आएको संघका अध्यक्षय प्रेम प्रसाद ढकालले बताए । “अहिले महोत्सव भयो अब खर्च पास गर्ने बेलामा हाम्रो आवश्यकता होला नि”, उहाँको भनाई थियो ।

भूतपुर्व विद्यार्थीलाई थाहा भएन

हरेक विद्यालयको स्वर्ण महोत्सव एक चोटी आउछ । सबैको चाहाना सहभागी हुने भन्ने हुन्छ । २०४४ सालबाट एसएलसी दिन सुरु यो विद्यालयमा अहिले सम्म ३७ ब्याचका तीन हजार विद्यार्थी विद्यालयबाट उत्तीर्ण भै निस्केका छन् । यस्तो पर्वमा विद्यालयले कुनै पनि विद्यार्थीलाई सहभागी हुन नबोलाएको भूतपुर्व विद्यार्थीले गुनासो गरेका छन् । २०४९ सालमा एसएलसी पास गरेका वडा नं –३ का गोविन्द प्रसाद काफ्लेले स्वर्ण महोत्सबमा नबोलाएको बताए । आफ्ना एक छोरी र एक छोरा यसै विद्यालयमा पढेपनि सबैलाई पत्र पठाउँदा आफुलाई खबर नै नगरेको काफ्लेको गुनासो थियो । काफ्ले माात्र होइन यहाँका कुनै पनि भूतपुर्व विद्यार्थीले थाहा नपाएका हुन् । स्वर्ण महोत्सवमा सरोकारवाला निकायहरू, जनप्रतिनीधी, विव्यस, अभिभावक संघसँग समन्वय नगरी विद्यालयलाइ राजनैतिक दलको भर्ती केन्द्र जस्तो बनाइएको उपस्थितहरूको गुनासो थियो ।

प्रतिक्रिया

सबै

रानीवनमा चरी र जुनकिरी बत्तीको सफलतापछी मन मिल्ने दौतरी

सबै

रानीवनमा चरी र जुनकिरी बत्तीको सफलतापछी मन मिल्ने दौतरी

नेपाल अपडेट

MENU