भीरकोटमा समुदायको लगानीमा बहुउद्देश्यीय भवन
प्रकाश डोटेल,
स्याङ्जा ।
स्याङ्जाको भीरकोट नगरपालिकामा क्षेत्री समाज जिल्ला शाखा स्याङ्जाले सामुदायिक बहुउद्देश्यीय भवन निर्माण गरेको छ । समाजको अगुवाईमा झण्डै एक करोड ५१ लाखको लागतमा बहुउद्देश्यीय भवन निर्माण गरेको हो । क्षेत्री समाजको नेतृत्वमा बनेको भवनमा एक करोड ११ लाख भन्दाबढी रकम समुदायस्तरबाटै स्वतःस्फूर्त रुपमा संकलन भएको अध्यक्ष मीनबहादुर केसीले जानकारी दिए । भवन निर्माणमा १६ जनाले एकलाख भन्दा बढी, २८ जनाले ५० हजार भन्दाबढी र ५७७ जनाले ५ हजार भन्दाबढी सहयोग गरेका थिए ।
भीरकोटनगरपालिका–१ मुख्यबजार बयरघारीस्थितपुलको मुखमा बनेको आधुनिकभवन ८ रोपनी ८ आना ३ पैसा क्षेत्रफलमा फैलिएको छ । गएको वर्ष २०८१ को घटस्थापनाकादिनशिलान्यास गरिएको भवन एक वर्षमै निर्माणसम्पन्नभएको अध्यक्ष केसीले जानकारी दिए ।
७ हजार १६५ वर्गफिट क्षेत्रफलको एकतले सभा भवनमा करिब एक हजार जनाको क्षमता रहेको छ । भवनभित्र बाथरूम, शौचालय, पोशाक परिवर्तन कक्ष, कार्यालय कक्ष, भान्सा कक्ष र शुद्ध खानेपानीको सुविधा छ । भवनमै पुजाआजाको लागि हवन कुण्ड पनि निर्माण गरिएको छ । भवनलाई धार्मिक, सांस्कृतिक, सामाजिक र राजनीतिक कार्यक्रमका लागि बडदशै २०८२ को अवसरमा सञ्चालनमा ल्याइएको हो । भवनमा योगा, जिम र बास्केटबल कोर्टको सुविधा थप्ने तयारी गरिएको समाजले जनाएको छ ।
भवन निर्माणमा समुदायसँगै भीरकोट नगरपालिकाले १० लाख रुपैयाँको सहयोग गरेको छ । समुदायकै सहयोगमा बनेको भवनले सामाजिक एकता र पर्यटन प्रवद्र्धनमा टेवा पु¥याउने स्थानीयले विश्वास गरेका छन् ।
नेपाल अपडेट
-
सम्पादकीय— ‘भीरकोटका क्याम्पसलाई बचाऔं’
-
समावेशी विकास र पारदर्शिताको बाटोमा अर्जुनचौपारी
-
मानिस हराएको सूचना
-
कृषिमा न्यून बजेट— ‘स्याङ्जामा छुट्टाइएको बजेट खर्चमै समस्या’
-
भीरकोटमा शतप्रतिशत योजनाको काम
-
अमोर वालगृह न्यानो काखको खोजीमा आएका बाबुनानीहरुको घर हो
-
स्याङ्जाका नयाँ उद्योगमा ४८ करोड लगानी
-
वन विकासको बाधक होइन, समृद्धिको आधार हो
-
प्रकाशकीय :- सिकाइ र कर्तव्य बोधको १२ वर्ष
-
गुणस्तर सुधार र सामाजिक सुरक्षा हाम्रो प्राथमिकतामा
प्रतिक्रिया