रोयल सहकारीले सिग्देललाई सम्मान गर्ने

वालिङ ।
रोयल बचत तथा ऋण सहकारी संस्था पुतलीबजारले एकजना क्रियाशिल पत्रकारलाई सम्मान गर्ने भएको छ । सहकारी संस्थाले स्याङ्जाका अग्रज पत्रकार श्रीकृष्ण सिग्देललाई सम्मानित एवम् पुरस्कृत गर्ने भएको हो । सिग्देललाई सहकारी संस्थाको २४औं साधारण सभाको अवसर पारेर कार्तिक १४ गते सम्मान गर्न लागेको जनाएको छ । सिग्देललाई सहकारी अभियानमा कलम चलाएको भन्दै रोयल सहकारीले साधरणसभामा नगदसहित सम्मानित गर्ने जनाएको हो । विगत २ दशकदेखि पत्रकारिता क्षेत्रमा कृयाशिल सिग्देल पब्लिक आवाज साप्ताहिक, सगरमाथा टेलिभिजन, राजधानी दैनिक, लुम्बिनी दैनिक, पोखरापत्र दैनिक लगायत दर्जनौ अनलाईन सञ्चारमाध्यममा कार्यरत छन् । पत्रकार महासंघ स्याङ्जाका निवर्तमान अध्यक्ष समेत रहेका सिग्देल हाल पत्रकार महासंघ गण्डकी प्रदेशका सदस्य हुन् ।

लामो समयदेखि देखि संचार क्षेत्रमा कार्यरत सिग्देलले कृषि, सहकारी, खोजमुलक, भष्ट्रचार बिरुद्ध र समसामयिक विषयमा कलम चलाउँदै आएका छन् । सहकारीले हरेक वर्ष एकजना पत्रकारलाई सम्मान गर्दै आएको छ । यो पटकको साधरणसभामा सिग्देललाई सम्मान गर्ने निर्णय भएको सहकारीका सचिव प्रकाश डोटेलले जानकारी दिए । सहकारीले गत बर्ष पत्रकार प्रदिप कोइराला र त्यो भन्दा अगाडी भवानी अधिकारीलाई सम्मान गरेको थियो । सहकारीले सामाजिक उत्तरदायित्व अन्तर्गत विविध क्षेत्रमा कलम चलाउने जिल्लाका उत्कृष्ट पत्रकारलाई सम्मान गर्ने अभियान शुरु गरेको छ ।

जिल्लालाई कार्यक्षेत्र बनाइ सक्रिय पत्रकारिता गरिरहेका पत्रकारलाई मात्र सम्मानमा छनोट गरिने सहकारीले जनाएको छ । अग्रज पत्रकार सिग्देललाई नेपाल पत्रकार महासंघ जिल्ला शाखाको समन्वयमा रोयल वचत तथा ऋण सहकारी संस्थाको कार्यसमितिले सम्मान गर्ने निर्णय गरिएको सहकारीका अध्यक्ष विष्णुप्रसाद पोखरेलले बताए । जिल्लाकै सबैभन्दा ठुलो र कार्यक्षेत्र धेरै रहेको सहकारीले ग्रामिण क्षेत्रका नागरिकको आयआर्जनमा महत्वपुर्ण भुमिका खेल्दै आएको छ । कृषि, शिक्षा र स्वास्थ्य क्षेत्रलाई प्रमुख प्रथामिकता दिएर सेवा प्रवाह गर्दै आएको रोयल सहकारी स्याङ्जा जिल्लाकै वित्तिय कारोवारमा अग्रणी स्थानमा रहेको छ ।

 

प्रतिक्रिया

सबै

डिजिटल साक्षरता र कृत्रिम बुद्धिमत्ता तालिम सञ्चालन

सबै

डिजिटल साक्षरता र कृत्रिम बुद्धिमत्ता तालिम सञ्चालन

नेपाल अपडेट

MENU