भूपू विद्यार्थीको पुर्णामृत स्कुलमा सहयोग
वालिङ ।
स्याङ्जाको वालिङ स्थित पुर्णमृत भवानी माध्यमिक विद्यालयलाई भूपू विद्यार्थीहरुले सहयोग गरेका छन् । विद्यार्थी भाइबहिनीहरुलाई शुद्ध खानेपानीका लागि सहयोग पुगोस भन्दै भूपू विद्यार्थीहरुले ८ थान वाटर डिस्पेन्चर सहयोग गरेका हुन् । विद्यालयमा अध्ययनरत २०६२ का एसएलसी परिक्षामा सम्मिलित भूपू विद्यार्थीहरुले एक कार्यक्रमको आयोजना गरी ८ थान फिल्टर हस्तान्तरण गरेका छन् । दामोदर तिवारीको नेतृत्वमा पुगेको भूपू विद्यार्थीको समुहले विद्यालयका प्रधानाध्यापक दीपक लम्साललाई उक्त सामाग्री हस्तान्तरण गरेका थिए ।
भूपू विद्यार्थीको सहयोगले विद्यालयलाई गुणस्तर शिक्षा प्रदानमा उत्हासह जागेको विद्यालयका प्रधानाध्यापक लम्सालले बताए । यस्ता सहयोगले विद्यालय र भूपू विद्यार्थी विचको आत्मियता अझै सुमधुर हुने धारणा लम्सालको थियो । सरकारी विद्यालय भएपनि विद्यार्थीका लागि प्रयाप्त आधरभुत सामाग्री नुहँदा कठिनाई भोग्नु परिरहेका बेला भूपू विद्यार्थीहरुले आफ्ना भाइबहिनीहरुका लागि शुद्ध र तातो पानीको व्यवस्थापनलाई सहज बनाउने काम भएको लम्सालले बताए ।
२०६२ सालका २२ जना सम्मिलित विद्यार्थीहरुबाट सहयोग उठाएर विद्यालयलाई फिल्टर सहयोग गरेको भूपू विद्यार्थी राजेश्वर तिवारीले बताए । हामीले पढ्दाको कठिनाई सम्झेर हाम्रा भाइबहिनीले त्यो दुःख भोग्न नपरोस भनेर हामीले खानेपानी फिल्टर सहयोग गरेको तिवारीले बताए । आगामी दिनमा पनि विद्यालयमा आवश्यकता अनुसारको सहयोग रहिरहने तिवारीले प्रतिवद्धता व्यक्त गरे ।
नेपाल अपडेट
-
‘कृषिमा आत्मनिर्भर बनाउन बजारको सुनिश्चितता आवश्यक’
-
भूपू विद्यार्थीको पुर्णामृत स्कुलमा सहयोग
-
सम्पादकीय— ‘भीरकोटका क्याम्पसलाई बचाऔं’
-
समावेशी विकास र पारदर्शिताको बाटोमा अर्जुनचौपारी
-
मानिस हराएको सूचना
-
कृषिमा न्यून बजेट— ‘स्याङ्जामा छुट्टाइएको बजेट खर्चमै समस्या’
-
भीरकोटमा शतप्रतिशत योजनाको काम
-
अमोर वालगृह न्यानो काखको खोजीमा आएका बाबुनानीहरुको घर हो
-
स्याङ्जाका नयाँ उद्योगमा ४८ करोड लगानी
-
वन विकासको बाधक होइन, समृद्धिको आधार हो
प्रतिक्रिया