चापाकोटमा सहकारीद्धारा आलुको बीउ वितरण
प्रकाश डोटेल,
स्याङ्जा ।
स्याङ्जाको चापाकोट नगरपालिका–९ सुन्तलीटारको समृद्ध चापाकोट बहुउद्देश्यीय सहकारी लिमिडेटले स्थानीय कृषकलाई आलुको बीउ वितरण गरेको छ । चापाकोट टारको खेती योग्य जमिन जिल्लाकै आलु उर्वर भूमिका रुपमा चिनिन्छ ।
कृषि कार्यक्रम अन्तर्गंत ‘कृषि उत्पादन गरौं, आत्मनिर्भर बनौ’ भन्ने उद्देश्यले अनुदानमा आलुको बीउ वितरण गरिएको संस्थाका अध्यक्ष मदनलाल श्रेष्ठले बताए । कृषकलाई आलु उत्पादन बढाउन सहुलित दरमा बीउ वितरण गरेको श्रेष्ठले जानकारी दिए ।
बहुउद्देश्यीय सहकारी संस्थाले पाँच हजार तीन सय किलो आलुको बीउ खरिद गरेर वितरण गरेको हो । प्रतिकिलो ७० रुपैयाँको आलुलाई संस्थाका एक सय ६ जना शेयर सदस्यहरुलाई ५० किलोको दरले प्रतिकिलो १० रुपैयाँमा वितरण गरेको हो ।
आलुको बीउ वितरण कार्यक्रममा नगरपालिकाका नगरप्रमुख देव बहादर खाँण (ईश्वर), वडा नं २ का वडाध्यक्ष टिकाराम श्रेष्ठ, वडा–९ का वडासदस्य देवराज पंज्ञानीले चापाकोटलाई आलुमा आत्मनिर्भर बनाउन पहल गर्ने प्रतिबद्धता जनाएका थिए ।
नेपाल अपडेट
-
‘कृषिमा आत्मनिर्भर बनाउन बजारको सुनिश्चितता आवश्यक’
-
भूपू विद्यार्थीको पुर्णामृत स्कुलमा सहयोग
-
सम्पादकीय— ‘भीरकोटका क्याम्पसलाई बचाऔं’
-
समावेशी विकास र पारदर्शिताको बाटोमा अर्जुनचौपारी
-
मानिस हराएको सूचना
-
कृषिमा न्यून बजेट— ‘स्याङ्जामा छुट्टाइएको बजेट खर्चमै समस्या’
-
भीरकोटमा शतप्रतिशत योजनाको काम
-
अमोर वालगृह न्यानो काखको खोजीमा आएका बाबुनानीहरुको घर हो
-
स्याङ्जाका नयाँ उद्योगमा ४८ करोड लगानी
-
वन विकासको बाधक होइन, समृद्धिको आधार हो
प्रतिक्रिया