कांग्रेस उपसभापति गुरुङद्वारा पहिरो प्रभावित क्षेत्रको निरीक्षण
वालिङ ।
नेपाली कांग्रेसका केन्द्रीय उपसभापति धनराज गुरुङले बिहीबार स्याङ्जाका पहिरो प्रभावित क्षेत्रहरुको निरीक्षण गरेका छन् । गत असार २१ गतेदेखि २३ गतेसम्म भएको अविरल वर्षाकाकारण बाढी तथा पहिरोले क्षति पु¥याएका स्याङ्जाका भीरकोट, वालिङ र गल्याङ नगरपालिकाका विभिन्न बस्ती तथा खेतीयोग्य भूमिको निरीक्षण गरेका हुन् । विशेषगरी पहिरोले पुरिएर ज्यान गुमाएकाको परिवार र बास गुमाएका परिवारलाई गुरुङ्ले ब्यक्तिगतरुपमा जनही दश हजार सहयोग उपलब्ध गराएका छन् ।
पूर्व मन्त्रीसमेत रहेका गुरुङले भीरकोट नगरपालिका ५ को ज्यामिरेमा गत असार २२ गते दिउँसो पहिरामा पुरिएर ज्यान गुमाउन पुगेकी ७४ वर्षीया ख्यामकुमारी मल्लको परिवारलाई रु. दश हजार उपलब्ध गराएका छन् । त्यस्तै भीरकोट ६ को फोक्सिङमा घरमाथिबाट आएको पहिरोले स्थानीय भक्तबहादुर थापाको घर पुरिएको छ । घरबारविहीन भएका थापा छिमेकीकोमा बस्दै आएका छन् । थापाको परिवारलाई उनले नगद रु. दश हजार सहयोग हस्तान्तरण गरेका छन् ।
नागरिकहरु दुःखमा परेका बेला यहाँको जनप्रतिनिधि भएको नाताले आँफूले ब्यक्तिगतरुपमा जे सकें त्यो सहयोग गरें” उपसभापति गुरुङ्ले भने, ‘जनधनको क्षति भएकालाई क्षतिपूर्तिकालागि ब्यवस्था र आवास निर्माणकालागि आवश्यक पहल गर्नेछु ।’ भीरकोट ५ को ज्यामिरे र ६ को फोक्सिङमा पहिरोकाकारण ८ घर जोखिममा छन् भने बाढी र पहिरोकाकारण पशुचौपाया, गोठ, जमिनमा क्षति पुगेको छ । यसै गरी वालिङका विभिन्न ठाउँमा गएको पहिरोले क्षती पु¥याएको क्षेत्रमा निरिक्षण गरेको बताइएको छ
नेपाल अपडेट
-
‘नीतिगत र दीर्घकालिन अभावले व्यवसायीहरु समस्या भोग्न बाध्य छन्’
-
महायज्ञ : ज्ञान कि धन ?
-
चुनाबमा गरेका बाचा अनुसारको काम सम्पन्न हुदैंछ
-
सम्पादकीय— सुरक्षित खानेपानीको पहल
-
सम्पादकीय— सहकारीहरुको जवाफदेहिता खै !
-
‘नेपाल प्रहरी नागरिकको सारथी हो’
-
वालिङ नगरको सफल कार्यक्रम—‘कृषि उद्यमशीलतामा नागरिकलाई जोड्ने परियोजना’
-
‘नेतृत्वमा दिर्घकालिन सोच भएन भने लोकतन्त्र कमजोर बन्छ’
-
राजमार्गमा उखुको जुस बेच्दै अनिल, स्वदेशमै सुन फलाउने उदाहरणीय युवा ।
-
महोत्सवको चहलपहल— पिंक सिटी महोत्सवले वालिङको पहिचान खोज्दै
प्रतिक्रिया