चापाकोटमा पाँचौँ मेयर कप खेलकुद प्रतियोगिता हुने
चापाकोट ।
जिल्लाको चापाकोट नगरपालिकामा पाँचौँ मेयर कप तथा विभिन्न खेलकुद प्रतियोगिता हुने भएको छ । स्वास्थ्यका लागि खेलकुद, राष्ट्रका लागि खेलकुद भन्ने नाराका साथ नगर खेलकुद विकास समिति, चापाकोट, स्याङ्जाले विगत पाँच वर्षदेखि मेयर कप तथा विभिन्न खेलकुद प्रतियोगिता गर्दै आइरहेको छ । नगर खेलकुद विकास समिति, चापाकोट नगरपालिका स्याङ्जाको आयोजनामा कात्र्तिक ३ देखि ६ गतेसम्म चापाकोट नगरपालिका ८ दामाचौर खेल मैदानमा पाँचौँ मेयर कप तथा विभिन्न खेलकुद प्रतियोगिता हुने भएको हो ।
प्रतियोगितामा महिला तथा पुरुष भलिबल, डोरी तान्ने, सटफुट, व्याडमिन्टन, ५० वर्ष माथिका पुरुष कुर्ची दौड र हाडिफोर प्रतियोगिता समावेश गरिएको समितिका अध्यक्ष मिलन राना (पुरन) ले जानकारी दिए । भलिवल प्रतियोगितामा प्रथम, दोस्रो, तेस्रो र सान्तवना हुनेलाई क्रमशः ५५ हजार, ३५ हजार, २० हजार र १० हजार नगदसहित शिल्ड, मेडल र प्रमाण पत्र दिइने आयोजकले जनाएको छ ।
त्यसैगरी महिला तथा पुरुष डोरी तान्ने प्रतियोगितामा प्रथम र दोस्रो हुनेले क्रमशः १६ हजार र ९ हजार नगदसहित शिल्ड, मेडल र प्रमाण पत्र प्राप्त गर्ने भएका छन् । महिला तथा पुरुष सटफुट प्रतियोगितामा प्रथम, दोस्रो र तेस्रो हुनेलाई क्रमशः ९ हजार, ६ हजार र ३ हजार नगदसहित शिल्ड, मेडल र प्रमाण पत्र दिइने आयोजकले जनाएको छ ।
त्यसैगरी व्याडमिन्टन प्रतियोगितामा प्रथम, दोस्रो, तेस्रो र सान्तवना हुनेले क्रमशः २५ हजार, १५ हजार, १० हजार र ५ हजार नगदसहित शिल्ड मेडल र प्रमाण पत्र प्राप्त गर्ने भएका छन् । ५० वर्ष माथिका पुरुष कुर्ची दौड र महिला हाडिफोर प्रतियोगितामा प्रथम हुनेले जनही ५ हजार १ सय प्राप्त गर्ने आयोजकले जनाएको छ ।
प्रतियोगितामा अनिवार्य टिम सहभागिता गराउनको लागि नगरपालिकाका १० वटै वडाका वडा अध्यक्षलाई खेलाडीहरु सहभागी गराउन पत्र समेत पठाइसकेको समितिका अध्यक्ष मिलन राना (पुरन)ले जानकारी दिए । टिम रजिष्ट्रेशन फारम चापाकोट नगरपालिकाको सभाहल सुन्तलिटारमा कात्र्तिक १ गतेसम्म संकलन गरिने नगर खेलकुद विकास समितिका सचिव हरि बहादुर राना (हुकुम) ले जानकारी दिए ।
नेपाल अपडेट
-
‘नीतिगत र दीर्घकालिन अभावले व्यवसायीहरु समस्या भोग्न बाध्य छन्’
-
महायज्ञ : ज्ञान कि धन ?
-
चुनाबमा गरेका बाचा अनुसारको काम सम्पन्न हुदैंछ
-
सम्पादकीय— सुरक्षित खानेपानीको पहल
-
सम्पादकीय— सहकारीहरुको जवाफदेहिता खै !
-
‘नेपाल प्रहरी नागरिकको सारथी हो’
-
वालिङ नगरको सफल कार्यक्रम—‘कृषि उद्यमशीलतामा नागरिकलाई जोड्ने परियोजना’
-
‘नेतृत्वमा दिर्घकालिन सोच भएन भने लोकतन्त्र कमजोर बन्छ’
-
राजमार्गमा उखुको जुस बेच्दै अनिल, स्वदेशमै सुन फलाउने उदाहरणीय युवा ।
-
महोत्सवको चहलपहल— पिंक सिटी महोत्सवले वालिङको पहिचान खोज्दै
प्रतिक्रिया