वालिङ ८ का टोलविकास सस्थालाई सरसफाई सामाग्री वितरण
वालिङ ।
भीमटारी सामुदायिक सिकाई अध्ययन केन्द्र वालिङ ८ को आयोजनामा स्वास्थ्य प्रशिक्षण तथा सरसफाई सामाग्री वितरण गरिएको छ । प्रशिक्षण तथा सरसफाई वितरण कार्यक्रमको उद्दघाटन गर्दै नगरप्रमुख कृष्ण खाँणले परिवारका प्रत्येक सदस्यले आँफूले गरेको फोहर आँफै व्यवस्थापन गर्नुपर्ने बताए । हामीले आँफूले गरेका फोहर अरुलाई गर्न लगाएर होइन आँफैले व्यवस्थापन गरेर मात्र व्यवस्थित हुने नगर प्रमुख खाँणको जोड छ । जबसम्म नगरवासी सचेत हुन सक्दैनन् तवसम्म सरसफाई हुन नसक्ने उनको भनाई छ ।
२०६७ सालदेखि सर्वदलीय संयन्त्रले सुरु गरेको वालिङको सरसफाई व्यवस्थापन कार्यक्रमले देश तथा विदेशमा चर्चा पाएको नगर प्रमुख खाँणले बताए । यो मुलुक यो ठाउँसम्म आउनुमा महिलाहरुको अहम भूमिका रहेको भन्दै कतिपय पुरुषबाट विगारिएका कामहरु महिलाले सुधारेको उदाहरण सुनाए । सरसफाई व्यवस्थापनमा पनि महिलाहरु धेरै अगाडि रहेको भन्दै प्रत्येक टोलमा आमाहरुसँगै हामी सबै सरसफाईमा लाग्न सक्यौं भने सफलता मिल्ने नगर प्रमुख खाँणले बताए । समाज विकासमा सरसफाईले ठूलो महत्व राख्ने भन्दै हरेक राम्रो काम बालबालिकाहरुबाट थालनी गर्नुपर्ने उनको भनाई छ । सरसफाई व्यवस्थापनमा पनि बालबालिकाहरुलाई सानैदेखि सिकायौं भने हाम्रो घर परिवार समाज सरसफाई हुने नगर प्रमुख खाँणले बताए ।
कार्यक्रममा वालिङ नगरपालिका कर्मचारी प्रशासन प्रमुख नारायप्रसाद रेग्मी, नेपाल आर्दश माध्यमिक विद्यालयका प्रधानाध्यापक होमकान्त गौतम, दिपक लम्साल, विष्णुप्रसाद अर्याल, चोलाकान्त अर्याललगायतले सरसफाईको महत्व र यसले मानव जिवनमा पार्ने असरका बारेमा बोलेका थिए । वालिङ ८ का सबै टोलका अध्यक्ष तथा प्रतिनिधि, युवाक्लब, आमा समुहको सहभागिता रहेको कार्यक्रममा २५ टोल विकास संस्था, क्लब, विद्यालयहरुलाई डष्टविन वितरण गरिएको सिकाई केन्द्रका अध्यक्ष नेत्रनारायण रेग्मीले बताए ।
स्वस्थ्य प्रशिक्षणमा स्वस्थ्य तथा सरसफाई सम्बन्धी दुर्गाप्रसाद भण्डारी र आयुर्वेद स्वास्थ्य सम्बन्धी कविराज हरिप्रसाद अर्यालले प्रशिक्षण दिएका थिए । प्रशिक्षण कार्यक्रममा सय भन्दा बढीको सहभागिता रहेको थियो । केन्द्रका अध्यक्ष नेत्रनारायण रेग्मीको अध्यक्षतामा सम्पन्न कार्यक्रमको संचालन सचिव शिवप्रसाद अर्यालले गरेका थिए ।
नेपाल अपडेट
-
‘नीतिगत र दीर्घकालिन अभावले व्यवसायीहरु समस्या भोग्न बाध्य छन्’
-
महायज्ञ : ज्ञान कि धन ?
-
चुनाबमा गरेका बाचा अनुसारको काम सम्पन्न हुदैंछ
-
सम्पादकीय— सुरक्षित खानेपानीको पहल
-
सम्पादकीय— सहकारीहरुको जवाफदेहिता खै !
-
‘नेपाल प्रहरी नागरिकको सारथी हो’
-
वालिङ नगरको सफल कार्यक्रम—‘कृषि उद्यमशीलतामा नागरिकलाई जोड्ने परियोजना’
-
‘नेतृत्वमा दिर्घकालिन सोच भएन भने लोकतन्त्र कमजोर बन्छ’
-
राजमार्गमा उखुको जुस बेच्दै अनिल, स्वदेशमै सुन फलाउने उदाहरणीय युवा ।
-
महोत्सवको चहलपहल— पिंक सिटी महोत्सवले वालिङको पहिचान खोज्दै
प्रतिक्रिया