भीरकोट जेसिजद्धारा दुर्घटना न्युनीकरणका लागी सचेतना
भीरकोट ।
मानवताको सेवा नै जीवनको सर्वोत्तम कार्य हो भन्ने मूल नाराका साथ अगाडि बढेको भीरकोट जेसीजले सवारी दुर्घटना न्युनीकरणका लागी सचेतना कार्यक्रम सम्पन्न गरेको छ । भीरकोट जेसीजको आयोजना जिल्ला ट्राफिक प्रहरी कार्यालयको समन्वय तथा भीरकोट नगरपालिकाको सहजीकरणमा भीरकोट, पुतलीबजार ,अर्जुनचौपारी तथा वालिङ्ग नगरपालिकामा बिभिन्न सवारी साधन सञ्चालन गर्दै आएका सवारी चालक तथा विभिन्न विद्यालयका विद्यार्थीहरुलाई ट्राफिक नियम, चालक, यात्रु, सवारीधनी तथा आम सर्वसाधारणलाई भिजुअलको माध्यमबाट रुपमा सचेत गराईएको छ ।
कार्यक्रममा नगर प्रमुख गोविन्द कुमार कर्माचार्यले सवारी चालकहरुले सावधानी अपनाउने हो भने धेरै दुर्घटनाहरु न्यूनीकरण हुँदै जाने, सहरको सुन्दरता कायम राख्न तथा बजार क्षेत्रमा हुने दुर्घटनाको डर घटाउन व्यवस्थित पार्किंग गर्नुपर्नेमा जोड दिए । कार्यक्रममा जिल्ला ट्राफिक प्रहरी कार्यालय स्याङ्जाका प्रमुख प्रवीण आचार्यले प्रमुख प्रशिक्षकको भूमिका निर्बाह गर्दै सवारी दुर्घटनाका कारणहरू तथा समाधानका उपायहरू विषयमा सचित्र प्रकाश पारेका थिए ।
करिब डेढ सयको संख्यामा विभिन्न क्षेत्रका व्यक्तिहरु उपस्थित रहेको उक्त कार्यक्रममा नगर उपप्रमुख भगबती अर्याल, नगर प्रवक्ता दीपेन्द्र केसी, नेकपा एमाले भीरकोट कमिटीका अध्यक्ष विश्वनाथ अर्याल, भीरकोट उद्योग वाणिज्य संघका उपाध्यक्ष नुवादत्त अर्याल, भीरकोट जेसिजका निवर्तमान अध्यक्ष जेसी कृष्ण प्रसाद पौडेल, पूर्व अध्यक्ष जेसी प्रसुन मगर लगायतका वक्ताहरुले बढ्दो सवारी दुर्घटनाका विषयमा आ आफ्ना धारणा राखेका थिए । भीरकोट जेसिजका अध्यक्ष जेसी सुन्दर कोइरालाको अध्यक्षता तथा भीरकोट जेसिजका कार्यकारिणी उपाध्यक्ष जेसी विमला रेग्मीले स्वागत र कार्यक्रमको सञ्चालन महासचिव जेसी शिव खनालले गरेका थिए ।
नेपाल अपडेट
-
‘नीतिगत र दीर्घकालिन अभावले व्यवसायीहरु समस्या भोग्न बाध्य छन्’
-
महायज्ञ : ज्ञान कि धन ?
-
चुनाबमा गरेका बाचा अनुसारको काम सम्पन्न हुदैंछ
-
सम्पादकीय— सुरक्षित खानेपानीको पहल
-
सम्पादकीय— सहकारीहरुको जवाफदेहिता खै !
-
‘नेपाल प्रहरी नागरिकको सारथी हो’
-
वालिङ नगरको सफल कार्यक्रम—‘कृषि उद्यमशीलतामा नागरिकलाई जोड्ने परियोजना’
-
‘नेतृत्वमा दिर्घकालिन सोच भएन भने लोकतन्त्र कमजोर बन्छ’
-
राजमार्गमा उखुको जुस बेच्दै अनिल, स्वदेशमै सुन फलाउने उदाहरणीय युवा ।
-
महोत्सवको चहलपहल— पिंक सिटी महोत्सवले वालिङको पहिचान खोज्दै
प्रतिक्रिया