माछापुच्छे बैंकबाट सामाग्री सहयोग
वालिङ ।
स्याङ्जाको वालिङ स्थित माछापुच्छे बैंकले सामाजिक उत्तरदायीत्व अन्तर्गत सामाग्री सहयोग गरेको छ । वालिङ स्थित धार्मिकस्थल केदारनाथ मन्दिर र श्रवणकुमार पार्कलाई सामाग्री सहयोग गरेको हो । बैंकले एक कार्यक्रमको आयोजना गरी उक्त सामाग्रीहरु हस्तान्तरण गरेको छ ।
केदारनाथ मन्दिरलाई एकथान दराज सहित पलाष्टिकका कुर्चि र श्रवणकुमार पार्कलाई फोहोर संकलन गर्ने डस्विन सहयोग गरेको बैंकका वालिङ शाखा प्रमुख खेमनारायण काफ्लले जानकारी दिए । केदारनाथ मन्दिर व्यवस्थापन समितिका सचिवलाई दराज र कुर्चि वालिङ ८ का वडा अध्यक्ष दामोदर तिवारीले हस्तान्तरण गरेका थिए । त्यस्तै श्रवरणकुमार पार्कका लागि नवप्रभात युवा क्लवलाई हस्तान्तरण गरेको बैंकका शाखा प्रमुख काफ्लेले बताए ।
बैंकले झण्डै ५० हजार रुपैयाँ बराबरको सामाग्री सहयोग गरेको जनाएको छ । मन्दिरलाई एकथान सिसी क्यामेरा समेत उपलव्ध गराउने बैंकले जनाएको छ । मन्दिरमा रहेका धार्मिक पुस्तकहरुको व्यवस्थापनमा सहज होस भन्ने उदेश्यले दराज सहयोग गरेको शाखा प्रमुख काफ्लेले बताए । धार्मिकस्थलमा आउने भक्तजनहरुलाई बसेर पुजाआजा गर्न सहज होस भन्ने उदेश्यले कुर्चि र श्रवरणकुमार पार्कमा घुम्न आउने आन्तरिक पर्यटकलाई फोहोर एकै ठाउमा व्यवस्थापन गर्न सहज हुने अपेक्षा राखेर डस्विन प्रदान गरेको बैंकले जनाएको छ ।
सामाग्री हस्तान्तरण कार्यक्रममा वडा अध्यक्ष दामोदर तिवारी, वालिङ उद्योग वाणिज्य संघका अध्यक्ष चेतनारायण श्रेष्ठ, पुर्व वडा अध्यक्ष कमल सुवेदी, टोल विकास समितिका अध्यक्ष कल्पना सुवेदी, आमा समुहका अध्यक्ष गंगा सुवेदी र मन्दिर व्यवस्थापन समितिका सचिव खगेन्द्रप्रसाद अर्याल लगायतले बैंकले गरेको सहयोग प्रशंसनीय रहेको बताएका थिए ।
नेपाल अपडेट
-
स्याङ्जाका प्रहरी प्रमुखले भने,‘ढुक्क भएर आफ्नो मताधिकार प्रयोग गर्नुहोस’
-
“सर्वसम्मत नेतृत्वबाट गण्डकीका व्यवसायीको आवाज बुलन्द गर्छु”
-
कृषि, पर्यटन र व्यापार प्रवद्र्धनका लागि वालिङ महोत्सव
-
‘कृषिमा आत्मनिर्भर बनाउन बजारको सुनिश्चितता आवश्यक’
-
भूपू विद्यार्थीको पुर्णामृत स्कुलमा सहयोग
-
सम्पादकीय— ‘भीरकोटका क्याम्पसलाई बचाऔं’
-
समावेशी विकास र पारदर्शिताको बाटोमा अर्जुनचौपारी
-
मानिस हराएको सूचना
-
कृषिमा न्यून बजेट— ‘स्याङ्जामा छुट्टाइएको बजेट खर्चमै समस्या’
-
भीरकोटमा शतप्रतिशत योजनाको काम
प्रतिक्रिया