भीरकोटका आइटी स्रोत शिक्षकलाई पाँचदिने क्षमता विकास तालिम
भीरकोट।
स्याङ्जाको भीरकोट नगरपालिकाले सामुदायिक विद्यालयमा सूचना प्रविधिमैत्री शिक्षण प्रणालीलाई प्रभावकारी बनाउने उद्देश्यले आधारभूत तथा माध्यमिक विद्यालयका आइटी स्रोत शिक्षकहरूका लागि पाँचदिने सूचना प्रविधिसम्बन्धी क्षमता विकास तालिम सम्पन्न गरेको छ। नगरपालिकाको आयोजनामा सञ्चालन गरिएको तालिममा आधारभूत तथा माध्यमिक तहका विद्यालयमा कार्यरत आइटी स्रोत शिक्षकहरूको सहभागिता रहेको थियो। तालिम विशेषगरी सूचना प्रविधिमा आधारित शिक्षण–सिकाइ प्रणालीलाई प्रभावकारी बनाउने, डिजिटल शिक्षण सामग्रीको प्रयोग बढाउने तथा आधुनिक प्रविधिमार्फत कक्षाकोठाको सिकाइलाई थप गुणस्तरीय बनाउने विषयमा केन्द्रित थियो।
तालिमका क्रममा सहभागी शिक्षकहरूलाई सूचना प्रविधिसम्बन्धी विभिन्न स्रोत सामग्रीको प्रभावकारी उपयोग, डिजिटल सामग्री निर्माण, कक्षाकोठामा प्रविधिको समुचित प्रयोग तथा विद्यार्थीको सिकाइ उपलब्धि अभिवृद्धिमा सूचना प्रविधिको भूमिकाबारे व्यावहारिक प्रशिक्षण प्रदान गरिएको थियो। साथै, शिक्षण प्रक्रियालाई विद्यार्थीमैत्री, सिर्जनात्मक र प्रविधिमैत्री बनाउन आवश्यक सीप तथा ज्ञान विकासमा समेत जोड दिइएको शिक्षा शाखा प्रमुख खड्क बहादुर रानाले बताए। कार्यक्रममा सूचना प्रविधिको प्रयोग आजको शिक्षण प्रणालीको अपरिहार्य आवश्यकता बनेको उल्लेख गर्दै विद्यालयमा उपलब्ध प्रविधिको अधिकतम उपयोग गर्न शिक्षकहरू सक्षम हुनुपर्नेमा जोड दिइएको थियो। नगरप्रमुख गोविन्द कुमार कर्माचार्यले प्रविधिमैत्री शिक्षणले विद्यार्थीको सिकाइमा रुचि बढाउनुका साथै शिक्षण प्रक्रियालाई प्रभावकारी, सहभागितामूलक र परिणाममुखी बनाउन महत्वपूर्ण भूमिका खेल्ने विश्वास व्यक्त गरे।
तालिममा सहभागी शिक्षकहरूले प्राप्त ज्ञान र सीपलाई आफ्ना विद्यालयमा व्यवहारमा उतार्दै सूचना प्रविधिमा आधारित शिक्षण प्रणालीलाई थप प्रभावकारी बनाउने प्रतिबद्धता व्यक्त गरेका छन्। उनीहरूले तालिमले डिजिटल स्रोत सामग्रीको प्रयोग, प्रविधिमैत्री कक्षा सञ्चालन तथा शिक्षण पद्धतिमा नवीनता ल्याउन महत्वपूर्ण सहयोग पुग्ने विश्वास व्यक्त गरे। भीरकोट नगरपालिकाले सामुदायिक विद्यालयको शैक्षिक गुणस्तर सुधारका लागि शिक्षकको क्षमता अभिवृद्धिलाई निरन्तर प्राथमिकतामा राख्दै यस्ता कार्यक्रम सञ्चालन गर्दै आएको जनाएको छ। नगरपालिकाको विश्वास छ कि शिक्षकको क्षमता विकासमार्फत विद्यालयमा सूचना प्रविधिको प्रभावकारी उपयोग बढ्ने, शिक्षण–सिकाइ प्रक्रिया थप आधुनिक बन्ने र विद्यार्थीले गुणस्तरीय शिक्षा प्राप्त गर्ने वातावरण सुदृढ हुनेछ।
नेपाल अपडेट
-
सम्पादकीय— ‘बजेटमा जनअपेक्षा’
-
फुटको होइन, एकताको दबाब सिर्जना भइरहेको छ
-
गल्याङमा कृषि बजार संचालन
-
स्याङ्जामा हुट र छत राखेका सवारीसाधनलाई निशेध
-
स्याङ्जाका स्थानीयतहको आन्तरिक आय घट्दै
-
स्याङ्जाका स्थानीयतहको बेरुजु १३ करोड
-
गल्याङ बन्यो पूर्ण खोप सुनिश्चितता
-
‘सत्यम्’ का सर्जक वियोगी ‘राजस्थल युवा प्रतिभा सम्मान–२०८३’ बाट सम्मानित
-
सम्पादकीय— विकास अवरुद्ध नपार
-
वालिङको सम्भावना उजागर गर्न ‘फस्ट एक्स्पो’
प्रतिक्रिया