कोटिहोम महायज्ञमा भक्तजनको उल्लेख्य सहभागिता
पोखरा
गण्डकी प्रदेशको धार्मिक पर्यटन प्रवद्र्धन र पोखरालाई आध्यात्मिक मुक्तिद्वारको रूपमा स्थापित गर्ने उद्देश्यसहित मानव सेवा फाउण्डेशनद्वारा आयोजित श्रीगण्डकी शत (सय) कुण्डीय गायत्री कोटिहोम विराट् ज्ञान महायज्ञ–२०८२ जारी छ । २०८१ चैत्र १७ गतेदेखि २०८२ जेठ २६ गतेसम्म पोखरा महानगरपालिका–१७, सदाशिवजी सिद्धेश्वर हरिहर मन्दिर परिसर र आसपासको स्थानीय जग्गामा संचालन भएको महायज्ञ जारी रहेको हो । ४१ दिनसम्म निरन्तर हवन हुने यस महायज्ञमा भक्तजनलाई घ्यू, तील, तेल, देवदार, श्रीखण्ड लगायतका सामग्री लिएर सहभागी हुन अनुरोध गरिएको छ । अनुराधा पाण्डेयले चैत्र २९ गतेदेखि भागवत कथा प्रबचन शुरू गरेका छन् भने देवी प्रतिभाजीले गत शुक्रबारदेखि दैनिक प्रबचन दिइरहेकी छन् । दीनबन्धु पोखरेल, चैतन्यकृष्ण महाराज, सुप्रिया किशोरी लगायतका धर्मगुरुहरूले कथावाचन गर्ने कार्यक्रम रहेको आयोजकले जनाएका छन् ।
वैशाख १६ गतेदेखि राष्ट्रियस्तरका धार्मिक वक्ता र सांस्कृतिक कलाकारहरूको सहभागिताले महायज्ञको रौनक थपिने विश्वास आयोजकको छ । यज्ञ अवधिभर कथा वाचन, भजन, प्रवचन, सत्सङ्ग, पूजापाठ, आरती र सांस्कृतिक कार्यक्रमहरू सञ्चालन भइरहेका छन्, जसमा साधु–सन्त, ब्राह्मण, भक्तजन र आध्यात्मिक प्रेमीहरूको बृहत् उपस्थितिले आध्यात्मिक वातावरण सिर्जना गरेको छ । सामाजिक एकता र सद्भावको प्रतीक बनेको यो महायज्ञमा जनप्रतिनिधि, स्वयंसेवक, महिला समूह, बालबालिका र वरिष्ठ नागरिकको उत्साहपूर्ण सहभागिताले पोखरेली समाजको साझा उत्सवको रूप लिएको छ ।
नेपाल अपडेट
-
‘नीतिगत र दीर्घकालिन अभावले व्यवसायीहरु समस्या भोग्न बाध्य छन्’
-
महायज्ञ : ज्ञान कि धन ?
-
चुनाबमा गरेका बाचा अनुसारको काम सम्पन्न हुदैंछ
-
सम्पादकीय— सुरक्षित खानेपानीको पहल
-
सम्पादकीय— सहकारीहरुको जवाफदेहिता खै !
-
‘नेपाल प्रहरी नागरिकको सारथी हो’
-
वालिङ नगरको सफल कार्यक्रम—‘कृषि उद्यमशीलतामा नागरिकलाई जोड्ने परियोजना’
-
‘नेतृत्वमा दिर्घकालिन सोच भएन भने लोकतन्त्र कमजोर बन्छ’
-
राजमार्गमा उखुको जुस बेच्दै अनिल, स्वदेशमै सुन फलाउने उदाहरणीय युवा ।
-
महोत्सवको चहलपहल— पिंक सिटी महोत्सवले वालिङको पहिचान खोज्दै
प्रतिक्रिया