९३ विद्यार्थीलाई पोशाक वितरण
भीरकोट ।
भीरकोट नगरपालिका वडा नं. ७ मा अवस्थित महेन्द्र ज्योती माध्यमिक विद्यालयमा अध्ययनरत ९३ जना विद्यार्थीहरुलाई विद्यालय पोशाक वितरण गरिएको छ । सो पोशाक वितरण कार्यक्रम खुमा अर्याल फाउण्डेसनको पहलमा सम्पन्न भएको हो । फाउण्डेसनले विद्यालयमा अध्ययनरत सबै विद्यार्थीहरुलाई ट्रयाकसुट उपलब्ध गराएको छ । फाउण्डेसनका अध्यक्ष लेखनाथ शर्माले वडाको मागअनुसार पोशाक वितरण गरिएको बताए । उनले भने, “हाम्रो उद्देश्य सबै विद्यार्थीले बराबरी अवसर पाउने र शैक्षिक गतिविधिमा सहजता अनुभव गर्ने हो । विद्यालय पोशाक वितरणले विद्यार्थीहरुमा आत्मविश्वास बढाउने मात्र नभई उनीहरुलाई सामाजिक समानतामा जोड्ने काम पनि गर्नेछ ।”
कार्यक्रमको अवसरमा भीरकोट नगरपालिकाका नगर प्रमुख गोविन्द कुमार कर्माचार्यले खुमा अर्याल फाउण्डेसनले शिक्षा र स्वास्थ्य क्षेत्रमा गर्दै आएको योगदानको प्रशंसा गरे । उनले शिक्षा र स्वास्थ्य क्षेत्रमा विभिन्न कार्यक्रम सञ्चालन गर्दै आएको फाउण्डेसनले जाडो समयमा विद्यार्थीहरुलाई न्यानो पोशाक वितरण गरेकोमा धन्यवाद व्यक्त गरे । उनले भने, “सभ्य नागरिकको पहिलो पहिचान नै असल शिक्षा हो । राज्यले शिक्षामा गरेको लगानीलाई प्रभावकारी बनाउन हामी सबै सरोकारवालाले ध्यान दिनुपर्छ । गुणस्तरीय शिक्षाका लागि विद्यालय, अभिभावक र समाज सबैले मिलेर योगदान दिनु आवश्यक छ ।”
नगर उपप्रमुख भगवती रेग्मी अर्यालले कार्यक्रममा फाउण्डेसनको सामाजिक र मानवीय गतिविधिको सक्रियताप्रति प्रशंसा व्यक्त गरिन । उनले भनिन्, “सामाजिक क्षेत्रमा सक्रिय योगदान पु¥याउने संस्थाहरुले समुदायको विकासमा महत्वपूर्ण भूमिका खेल्छन् । खुमा अर्याल फाउण्डेसनले गरिब तथा विपन्न विद्यार्थीहरुको जीवनमा सकारात्मक प्रभाव पार्ने काम गरिरहेको छ । यस प्रकारका कार्यक्रमले मात्र आर्थिक सहयोग पु¥याउने होइन, विद्यार्थीहरुको मनोबल र भविष्यप्रति दृष्टिकोण पनि उज्यालो बनाउँछ ।”
कार्यक्रममा बोल्दै फाउण्डेशनका संस्थापक एवम् वरिष्ठ उद्यमी खुमा प्रसाद अर्यालले सामाजिक कार्यमा जुट्न सबैको साथ र सहयोग महत्वपूर्ण भएको बताए । उनले भने, “हामीले सामाजिक क्षेत्रमा योगदान गर्न पाउँदा अत्यन्तै प्रेरित महसुस गर्छौं । समुदायको सहयोग, विद्यालय प्रशासनको सहकार्य र अभिभावकहरुको विश्वासले नै सामाजिक कार्यलाई प्रभावकारी बनाउन सकिन्छ । हाम्रा प्रयासहरुमा सहभागी सबैले सधैं सहयोग र समन्वय देखाउनु भएकोमा म आभारी छु ।”
विद्यालयका नवनियुक्त प्रधानाध्यापक उदय शर्मा लामिछानेले कार्यक्रमको महत्वलाई व्याख्या गर्दै धन्यवाद व्यक्त गरे । उनले भने, “विद्यालय पोशाक वितरणले विद्यार्थीहरुलाई आत्मसम्मान बढाउने मात्र होइन, उनीहरुमा शिक्षाप्रति रुचि र अनुशासन कायम गर्न सहयोग पु¥याउँछ । यस प्रकारको सहयोगले विद्यार्थीहरुलाई विद्यालयमा नियमित उपस्थित हुन उत्प्रेरित गर्नेछ । फाउण्डेसनले सामाजिक जिम्मेवारी निभाउँदै महत्वपूर्ण योगदान दिइरहेको छ ।”
सो अवसरमा वडा अध्यक्ष तारा अर्यालले पनि फाउण्डेसनको सामाजिक कार्यको प्रशंसा गर्दै धन्यवाद व्यक्त गरे । उनले भने, “हामी सबैले मिलेर यस प्रकारका कार्यक्रमलाई सफल बनाउनु आवश्यक छ । खुमा अर्याल फाउण्डेसनले विगतदेखि नै गरिब र विपन्न वर्गका विद्यार्थीहरुलाई प्राथमिकताका साथ सहयोग गर्दै आएको छ । यस किसिमको पहलले विद्यार्थीहरुको भविष्य उज्वल बनाउने छ ।”
कार्यक्रममा वितरण गरिएका ट्रयाकसुटहरुले विद्यार्थीहरुलाई न्यानोपन प्रदान गर्ने मात्र नभई खेलकुद, व्यायाम र दैनिक विद्यालय क्रियाकलापमा सहभागी हुन सहजता पनि दिनेछ । फाउण्डेसनले वितरण गरेको पोशाकले विद्यार्थीहरुलाई एकरुपता र अनुशासनको अनुभव पनि गराउनेछ । यस अवसरमा विद्यार्थीहरु पनि उत्साहित देखिएका थिए । पोशाक वितरणपछि उनीहरुले फाउण्डेसन र विद्यालय प्रशासनप्रति कृतज्ञता व्यक्त गरेका थिए । एक विद्यार्थीले भने, “हामीलाई न्यानो पोशाक पाउँदा निकै खुशी लाग्यो । अब हामी विद्यालयमा खेलकुद, पठनपाठन र अन्य गतिविधिहरुमा सहजै सहभागी हुन सक्नेछौं ।”
विद्यालयको प्रांगढमा आयोजना गरिएको कार्यक्रममा अभिभावकहरु पनि उपस्थित थिए । उनीहरुले फाउण्डेसनको पहलले विद्यार्थीहरुको जीवनमा सकारात्मक प्रभाव परेको बताएका थिए । अभिभावकहरुले भने, “हाम्रो बच्चाहरुलाई विद्यालयमा आरामदायी पोशाक पाउँदा उनीहरुको स्वास्थ्य र शैक्षिक गतिविधिमा सुधार हुने अपेक्षा छ । यस किसिमको सामाजिक सहयोगले समुदायमा सद्भाव र सहयोगको भावना बढाउँछ ।” कार्यक्रमको समापनपछि फाउण्डेसनका प्रतिनिधिहरुले विद्यालय प्रशासन, स्थानीय तहका प्रतिनिधिहरु र अभिभावकहरुलाई धन्यवाद दिएका थिए । खुमा अर्याल फाउण्डेसनले आगामी दिनमा पनि यस्ता सामाजिक कार्यक्रमहरु जारी राख्ने योजना बनाएको छ ।
यो कार्यक्रमले मात्र विद्यार्थीहरुको शारीरिक सुविधा प्रदान गरेको छैन, बरु सामाजिक समानता, शिक्षा र सामुदायिक सहभागिताको महत्वलाई पनि उजागर गरेको छ । फाउण्डेसनले आर्थिक दृष्टिले कमजोर विद्यार्थीहरुलाई प्राथमिकता दिएर सहयोग गरेकोले यो पहल सामाजिक दृष्टिले सराहनीय मानिएको छ । विद्यालय प्रशासन र फाउण्डेशनको सहयोगले विद्यार्थीहरुले गुणस्तरीय शिक्षा र स्वस्थ वातावरणमा अध्ययन गर्ने अवसर पाउने अपेक्षा गरिएको छ । यस किसिमको पहलले मात्र आर्थिक सहयोग पु¥याउने छैन, बरु विद्यार्थीहरुको आत्मविश्वास, अनुशासन र सामाजिक चेतनामा पनि योगदान पु¥याउँछ ।
नेपाल अपडेट
-
‘कृषिमा आत्मनिर्भर बनाउन बजारको सुनिश्चितता आवश्यक’
-
भूपू विद्यार्थीको पुर्णामृत स्कुलमा सहयोग
-
सम्पादकीय— ‘भीरकोटका क्याम्पसलाई बचाऔं’
-
समावेशी विकास र पारदर्शिताको बाटोमा अर्जुनचौपारी
-
मानिस हराएको सूचना
-
कृषिमा न्यून बजेट— ‘स्याङ्जामा छुट्टाइएको बजेट खर्चमै समस्या’
-
भीरकोटमा शतप्रतिशत योजनाको काम
-
अमोर वालगृह न्यानो काखको खोजीमा आएका बाबुनानीहरुको घर हो
-
स्याङ्जाका नयाँ उद्योगमा ४८ करोड लगानी
-
वन विकासको बाधक होइन, समृद्धिको आधार हो
प्रतिक्रिया