मोवाइल चोरी गर्ने दुई युवक पोखराबाट पक्राउ
स्याङ्जा ।
स्याङ्जाबाट मोवाइल चोरी गरी पोखरा पुगेका दुई युवालाई प्रहरीले पक्राउ गरेको छ । पुतलीबजार नगरपालिका –१३ मजुवास्थित चुनीकुमारी मल्लको कोठाबाट मंगलबार साँझ विभिन्न कम्पनीका तीन थान मोवाइल चोरी गरी पोखरा पुगेका दुई जनालाई शुक्रबार पक्राउ गरिएको हो । प्रहरीले चोरी गरी भागेको अवस्थामा पोखराबाट पक्राउ गरिएको जिल्ला प्रहरी कार्यालय स्याङ्जाका सूचना अधिकारी प्रहरी नायव उपरीक्षक प्रसन्नराज चौधरीले जानकारी दिए ।
पक्राउ पर्नेमा स्याङ्जा आँधिखोला गाउँपालिका –५ चिलाउनेभाटी घर भई कास्की पोखरा महानगरपालिका –५ बस्ने २१ बर्षीय पवन परियार र अर्जुनचौपारी गाउँपालिका –४ स्थायी घर भई पोखरा बस्ने २४ बर्षीय शाहिल गुरुङ रहेको प्रहरीले जनाएको छ । उनीहरुको साथबाट रेडमी कम्पनीको स्मार्ट मोवाइल एक थान, ओप्पो कम्पनीको स्मार्ट मोवाईल एक थान र भिभो कम्पनीको स्मार्ट मोवाइल एक थान बरामद भएको सूचना अधिकारी चौधरीले बताए ।
पक्राउ परेका दुई जनालाई जिल्ला अदालत स्याङ्जाबाट ९ दिनको म्याद थप गरी चोरी मुद्दामा अनुसन्धान गरिरहेको प्रहरीको भनाइ छ । जिल्ला प्रहरी कार्यालय स्याङ्जाले आफ्ना मातहतका प्रहरी युनिटलाई गाउँगाउँमा पुगेर शान्तिसुरक्षा र अपराधिक क्रियाकलापका बारेमा नागरिकलाई जानकारी गराउने गरी मोवाइल गस्ती खटाउदै आएको छ । जिल्लामा नयाँ प्रहरी प्रमुखको आगमन सगै सबै युनिटहरुलाई गाउँगाउँमा मोवाईल गस्ती गर्न खटाएका हुन् ।
नेपाल अपडेट
-
‘कृषिमा आत्मनिर्भर बनाउन बजारको सुनिश्चितता आवश्यक’
-
भूपू विद्यार्थीको पुर्णामृत स्कुलमा सहयोग
-
सम्पादकीय— ‘भीरकोटका क्याम्पसलाई बचाऔं’
-
समावेशी विकास र पारदर्शिताको बाटोमा अर्जुनचौपारी
-
मानिस हराएको सूचना
-
कृषिमा न्यून बजेट— ‘स्याङ्जामा छुट्टाइएको बजेट खर्चमै समस्या’
-
भीरकोटमा शतप्रतिशत योजनाको काम
-
अमोर वालगृह न्यानो काखको खोजीमा आएका बाबुनानीहरुको घर हो
-
स्याङ्जाका नयाँ उद्योगमा ४८ करोड लगानी
-
वन विकासको बाधक होइन, समृद्धिको आधार हो
प्रतिक्रिया