महोत्सवमा सिंगारिदै वालिङ बजार
वालिङ ।
वालिङ महोत्सव नजिकिँदै गर्दा वालिङ बजार दुलही झैँ सिंगारिएको छ । ‘हाम्रो गौरव हाम्रो शान वालिङ महोत्सव हाम्रो पहिचान’ भन्ने नाराका साथ आयोजित महोत्सवको मिति नजिकिँदै गर्दा वालिङ बजार रंगी विरंगी ध्वजा पतका र ब्यानरले झकिझकाउ भएको छ । बजार सजावट उपसमितिका संयोजक चुत्रकुमारी थापा (दुर्गा) का अनुसार बजार सजावटको ८० प्रतिशत कार्य सकिएको छ ।
महोत्सवलाई स्वागत गर्नका लागी स्थानीय व्यापारी निकै उत्साहित भएको भन्दै आफ्नै खर्चमा वालिङका व्यापारी व्यवसायीहरुले आफ्नो घर अगाडिमा ध्वजा पतकाले सजाएका हुन् । वालिङका केहि बजार मध्ये भिआईपि टोल, बगालेटोल, मोडमा बजार रंगिबिरंगि भएको छ । यही माघ १८ देखि २८ गतेसम्म हुने महोत्सवमा स्टल राख्नका लागी स्थानीय व्यापारी व्यवसायी पनि उत्साहित बनेको स्टल निर्माण उपसमितिका संयोजक केशव पराजुलीले बताए ।
महोत्सवमा रहने स्टल मध्ये झण्डै आधा ५० प्रतिशत स्थानीयहरुले नै व्यापार व्यवसाय गर्नका लागी स्टल बुक गरेका छन् । संयोजक पराजुलीले भन्नुभयो, ‘महोत्सवमा कृषि उपजको प्रर्दशनी तथा विक्रिका लागी निशुल्क दिईएको छ । यहाँका व्यापारीलाई फेन्सी स्टल राख्नका लागी ३० प्रतिशत, होटललाई ३३ प्रतिशत छुट दिईएको छ । हामीले सकेसम्म यहाँका व्यापारीलाई नै प्राथामिकता दिएका छौँ ।’ खेलमैदानमा रहेको दुवो भएको भागमा कुनै संरचना नबन्ने मैदानको खाली भाग व्यक्तिको जग्गा केहि दिनका लागी भाडामा लिएर स्टल निर्माण तथा बालउद्यान निर्माण गरिएको पराजुलीले बताए । दुवो नमासिने गरी सोहि मोडलमा स्टल निर्माण, स्टेज निर्माण बालउद्यानका कार्य गरिने भन्दै दुवो संरक्षणका लागी उद्योग वाणिज्य संघ प्रतिवद्ध रहेको उनको भनाई छ ।
आठौँ वालिङ महोत्सव ५ वर्षपछि हुन लागेको भन्दै सम्पुर्ण जिल्लाबासीको सदभाव र मायाले महोत्सव सफल हुने मुल आयोजक समितिका संयोजक तथा वालिङ उद्योग वाणिज्य संघका अध्यक्ष चेतनारायण श्रेष्ठले बताए । महोत्सव स्थललाई अपांगमैत्री बनाँईने र अपांगता भएकाहरुलाई अपांगताको वर्ग अनुसार निशुल्क तथा सहुलियत दरमा प्रवेश व्यवस्था मिलाईएको अध्यक्ष श्रेष्ठको भनाई छ । लामो समयको अन्तरालमा आयोजना गरिएको यो महोत्सवले यहाँको आर्थिक क्रियाकलापलाई थप चलायमान बनाउ मद्दत पुग्ने भन्दै धेरै भन्दा धेरै स्थानीय व्यापारीहरुको सहभागिता बनाउनका लागी सोहि किसिमको सहुलियत दिईएको अध्यक्ष श्रेष्ठको भनाई ।
यता महोत्सव हेर्न आउदा प्रयोग गरिने सवारी साधनको व्यवस्थापनको तयारी पनि लगभग सकिएको पार्किङ् व्यवस्थापन समितिका संयोजक विश्वास लम्सालले बताए । भकुण्डेदेखी मिर्दि सम्मका खाली जग्गामा सवारी साधन पार्किङ्को व्यवस्था मिलाइएको उनले बताए । महोत्सव नजिकिदै गर्दा वालिङ खेलमैदानमा चहलपहल बढ्न थालेको छ ।
नेपाल अपडेट
-
सम्पादकीय— नयाँ वर्षमा नागरिकमा पलाएको आशा
-
स्याङ्जा दुध, अण्डा र मासुमा आत्मनिर्भर
-
सम्पादकीय— एसईईको देशभर उत्साह
-
सर्वोच्चले रोकिदियो वालिङका वडाअध्यक्षको ‘रहर’
-
सडकको धुलोले सास्ती
-
मेरो कार्यकालमा पूर्वाधारको पर्याप्त विकास हुनेछ
-
वालिङ महोत्सव विशेष : ‘आर्थिमन्दीलाई चलायमान बनाउने महोत्सव हो’
-
बोलीले होइन कामबाट नतिजा खोजौं—मन्त्री गुरुङ
-
सहकारीमा समस्या— संचालकहरुको लापरवाही र स्थानीय सरकारको मौनता
-
‘सपना’मा देखेको स्याङ्जा !
प्रतिक्रिया