स्वास्थ्य शिविरबाट ३ सय भन्दा बढी लाभान्वित
भीरकोट ।
लायन्स क्लब अफ भीरकोटको आयोजनामा भीरकोट नगरपालिका, हेलुमा १ दिने निशुल्क स्वास्थ्य शिविर सम्पन्न भएको छ। क्लबको नियमीत वार्षिक कार्ययोजना अन्तर्गत फाल्गुन २६ गते शनिबारको दिन भीरकोट नगर अस्पताल हेलुमा स्वास्थ्य शिविरको आयोजना गरिएको थियो । नगर अस्पतालका उपकरण र विशेषज्ञ सहित उपचार सेवा प्रदान गरिएको स्वास्थ्य शिविरबाट ३ सय २३ जनाले स्वास्थ्य सेवा लिएको क्लबका अध्यक्ष याम प्रसाद अधिकारी (लक्ष्मण)ले जानकारी दिए। लायन्स क्लब अफ भीरकोट स्याङ्गजाको आयोजना, गण्डकी मेडिकल कलेज पोखराको प्राविधिक सहयोग तथा भीरकोट नगरपालिका, पुतलीबजार नगरपालिका र अर्जुनचौपारी गाउँपालिकाको समन्वयमा स्वास्थ्य शिविर संचालन भएको थियो । भीरकोट नगर अस्पतालमा शनिबार बिहान १० बजे देखि दिउसो ४ बजे सम्म संचालन भएको शिविरमा औषधि सहयोग प्रशन्ना मेडिको फर्मा, बयरघारीले गरेको थियो।
शिविर संयोजक प्रदिप आलेका अनुसार शिविरमा जनरल फिजिसियन डाक्टर सरोज थापा, रेडियोलोजिस्ट डाक्टर राजु रेग्मी, हाडजोर्नी तथा नशारोग बिशेषज्ञ डाक्टर उमेश भट्ट, महिला तथा प्रशुती रोग बिशेषज्ञ डाक्टर स्मारिका आचार्य, नाक, कान, घाँटीरोग बिशेषज्ञ डाक्टर आदित्य दाहाल र भीरकोट नगर अस्पतालका डाक्टर राजिब झा लगायतले उपचार सेवा प्रदान गरेका थिए । भीरकोट नगर प्रमुख गोविन्द कुमार कर्माचार्यले शिविरको उद्घाटन गर्दै नागरिक स्वास्थ्यलाई नगरपालिकाले प्राथमिकतामा राखेर काम गरिरहेको बताए। जनताको स्वास्थ्यप्रती चासो देखाउँदै स्वास्थ्य शिविर संचालन गरेकोमा नगर प्रमुख कर्माचार्यले आयोजक संस्था लायन्स क्लब अफ भीरकोटलाई आभार प्रकट गरेका थिए।
नेपाल अपडेट
-
सम्पादकीय— नयाँ वर्षमा नागरिकमा पलाएको आशा
-
स्याङ्जा दुध, अण्डा र मासुमा आत्मनिर्भर
-
सम्पादकीय— एसईईको देशभर उत्साह
-
सर्वोच्चले रोकिदियो वालिङका वडाअध्यक्षको ‘रहर’
-
सडकको धुलोले सास्ती
-
मेरो कार्यकालमा पूर्वाधारको पर्याप्त विकास हुनेछ
-
वालिङ महोत्सव विशेष : ‘आर्थिमन्दीलाई चलायमान बनाउने महोत्सव हो’
-
बोलीले होइन कामबाट नतिजा खोजौं—मन्त्री गुरुङ
-
सहकारीमा समस्या— संचालकहरुको लापरवाही र स्थानीय सरकारको मौनता
-
‘सपना’मा देखेको स्याङ्जा !
प्रतिक्रिया