रसुवा बाढीपीडितका लागि कांग्रेस भीरकोटको १०० रुपैयाँ सहयोग अभियान
भीरकोट ।
नेपाली कांग्रेस भीरकोट नगर कार्यसमितिले रसुवामा आएको विनाशकारी बाढीबाट भएको जनधनको क्षतिप्रति दुःख व्यक्त गर्दै बाढीपीडितको राहत तथा उद्धारका लागि सहयोग अभियान सञ्चालन गरेको छ । कांग्रेस भीरकोटले पार्टीका क्रियाशील सदस्यबाट न्यूनतम एक सय रुपैयाँ सहयोग संकलन गर्ने निर्णय गर्दै ‘क्रियाशील सदस्यबाट १०० रुपैयाँ सहयोग अभियान’ सञ्चालन गरेको हो । अभियानअन्तर्गत पहिलो दिन मात्रै २१ हजार रुपैयाँ सहयोग रकम संकलन भएको पार्टीले जनाएको छ ।
बाढीका कारण रसुवालगायतका क्षेत्रमा ठूलो जनधनको क्षति भएकाले विपदमा परेका नागरिकलाई राहत तथा उद्धारमा सहयोग पु¥याउने उद्देश्यले अभियान सञ्चालन गरिएको नेपाली कांग्रेस भीरकोटका सभापति यामप्रसाद अधिकारीले जानकारी दिए । संकलित रकम पार्टीले सञ्चालन गरेको राहत अभियानमार्फत सम्बन्धित राहत कोषमा पठाइने सभापति अधिकारीले बताए । उनले विपद्को समयमा सबैले आ–आफ्नो क्षेत्रबाट सहयोग गर्नुपर्नेमा जोड दिँदै अभियानमा पार्टीका क्रियाशील सदस्य तथा शुभेच्छुकको साथ रहने विश्वास व्यक्त गरे।
कांग्रेस भीरकोटले बाढीपीडितको उद्धार, राहत तथा पुनःस्थापनामा सहयोग पु¥याउने उद्देश्यले अभियानलाई निरन्तरता दिने जनाएको छ । पार्टीले विपदमा ज्यान गुमाउनेप्रति श्रद्धाञ्जली तथा पीडित परिवारप्रति समवेदना व्यक्त गर्दै घाइतेको शीघ्र स्वास्थ्यलाभको कामना समेत गरेको छ ।
नेपाल अपडेट
-
बजेट खर्च हुनु मात्रै विकास होइन, प्रतिफल देखिनुपर्छ
-
सुशासनसहित समृद्ध भीरकोट निर्माणमा प्रतिबद्ध छौँ
-
विकासले भू–दृश्य मात्र होइन, इतिहास पनि बदल्छ
-
मनसुनजन्य विपद्को सामाना गर्न पूर्ण तयारीमा छौ
-
प्रकाशकीय— १३ वर्षको यात्रा : सत्य र जनविश्वासको निरन्तर अभियान
-
वालिङ उद्योग वाणिज्य संघको नेतृत्वमा अनुपमा तिवारी
-
सम्पादकीय— ‘बजेटमा जनअपेक्षा’
-
फुटको होइन, एकताको दबाब सिर्जना भइरहेको छ
-
गल्याङमा कृषि बजार संचालन
-
स्याङ्जामा हुट र छत राखेका सवारीसाधनलाई निशेध
प्रतिक्रिया