मदिरा बिक्री वितरण गर्न समय निर्धारण
अर्जुनचौपारी
स्याङ्जा ।
जिल्लाको अर्जुनचौपारी गाउँपालिकाभित्र मदिरा बिक्री वितरण गर्न समय निर्धारण गरिएको छ । पालिकाले एक सूचना जारी गर्दै अर्जुनचौपारी गाउँपालिकाभित्र बेलुका ५ बजेदेखि ८ बजेभित्र बाहेक कुनै पनि समयमा पसल, होटेल, रेष्टुराहरुमा मदिरा बिक्री वितरण नगर्न अनुरोध गरेको छ । गाउँपालिकाका प्रमुख प्रशासकिय अधिकृत उज्जल बहादुर बस्नेतले हस्ताक्षर गरेको विज्ञप्तिमा भनिएको छ, अर्जुनचौपारी गाउँपालिकाको मदिरा नियन्त्रण तथा व्यवस्थापन ऐन, २०७९ माघ १९ गते देखि प्रारम्भ भएको हुँदा सो ऐनको दफा ६ मा व्यवस्था भए अनुसार मदिरा बिक्री वितरणको अनुमति प्राप्त व्यवसायीहरुले अर्जुनचौपारी गाउँपालिका भित्र बेलुका ५ बजेदेखि ८ बजेसम्म बाहेक कुनै पनि समयमा पसल होटेल रेष्टुराहरुमा मदिरा बिक्री वितरण नगर्नु नगराउनु हुन जानकारी गराईन्छ ।
पलिकाले कोही कसैले यो सूचनाको बर्खिलाप हुने गरी निषेधित समयमा ओसारपसार, बिक्री वितरण तथा सेवन गरेको पाइएमा प्रचलित कानून बमोजिम कारबाही हुने व्यहोरा समेत सूचना मार्फत जानकारी गराएको छ । साथै प्रचलित कानून बमोजिम अर्जुनचौपारी गाउँपालिका भित्र मदिरा बिक्री, वितरण गर्न अनुमति प्राप्त व्यवसायीहरु २०७९ फागुन २ गतेसम्म सम्बन्धित वडा कार्यालयबाट समेत अनुमति लिनुहुन जानकारी गराएको छ । अर्जुनचौपारी बजार वा अन्य ठाउँबाट मदिरा किनेर बिक्री वितरण गर्न लैजान स्वीकृति लिएको व्यवसायीहरुलाई ५ बजेदेखि ८ बजेसम्म समयको सीमा नलाग्ने व्यहोरा विज्ञप्तिमा उल्लेख गरिएको छ । यता संघीय सरकारबाट अनुमति प्राप्त गरि मदिरा व्यवसाय गर्दा पनि स्थानीय सरकारको मनोमानी निर्णयले आफूहरुको व्यवसाय नै धरापमा परेको मदिरा व्यवसायीहरुको भनाइ छ ।
नेपाल अपडेट
-
‘नीतिगत र दीर्घकालिन अभावले व्यवसायीहरु समस्या भोग्न बाध्य छन्’
-
महायज्ञ : ज्ञान कि धन ?
-
चुनाबमा गरेका बाचा अनुसारको काम सम्पन्न हुदैंछ
-
सम्पादकीय— सुरक्षित खानेपानीको पहल
-
सम्पादकीय— सहकारीहरुको जवाफदेहिता खै !
-
‘नेपाल प्रहरी नागरिकको सारथी हो’
-
वालिङ नगरको सफल कार्यक्रम—‘कृषि उद्यमशीलतामा नागरिकलाई जोड्ने परियोजना’
-
‘नेतृत्वमा दिर्घकालिन सोच भएन भने लोकतन्त्र कमजोर बन्छ’
-
राजमार्गमा उखुको जुस बेच्दै अनिल, स्वदेशमै सुन फलाउने उदाहरणीय युवा ।
-
महोत्सवको चहलपहल— पिंक सिटी महोत्सवले वालिङको पहिचान खोज्दै
प्रतिक्रिया