त्रिभुवन आदर्श क्याम्पसमा प्राध्यापक सङ्घको नयाँ नेतृत्व
स्याङ्जा ।
स्याङ्जा सदरमुकाम पुतलीबजारको मालेबगरमा रहेको त्रिभुवन आदर्श बहुमुखी क्याम्पसमा प्राध्यापक सङ्घ गठन भएको छ । जिल्लाको सदरमुकाममा एकमात्र सामुदायिक क्याम्पसका रूपमा रहेको उक्त क्याम्पसमा प्राध्यापक सङ्घ गठन गरिएको हो । प्राध्यापक सङ्घको विधानबमोजिम भएको गठन प्रक्रियाबाट बाबुकुमार सिग्देल सभापतिमा निर्वाचित भएका छन् । नयाँ कार्यसमितिको उपसभापतिमा उपेन्द्र रेग्मी, सचिवमा युवराज पौडेल र कोषाध्यक्षमा शिव खड्का निर्वाचित भएका छन् ।
त्यसैगरी सदस्यहरूमा कोमल लामिछाने, अर्जुन पौडेल र अमृत मरासिनी निर्वाचित भएका छन् । प्राध्यापक सङ्घको केन्द्रीय प्रतिनिधिका रूपमा दीर्घनारायण मरासिनी र शङ्करप्रसाद लामिछाने चयन भएका छन् । क्याम्पसमा लामो समयदेखि प्राध्यापक सङ्घको सभापतिको जिम्मेवारी शङ्करप्रसाद लामिछानेले सम्हाल्दै आएका थिए । हाल उनी क्याम्पसको सहायक क्याम्पस प्रमुखको जिम्मेवारीमा रहेका छन् । सहायक क्याम्पस प्रमुखको जिम्मेवारी सम्हालेपछि प्राध्यापक सङ्घको नेतृत्वमा नयाँ कार्यसमिति चयन गरिएको हो ।
नवनिर्वाचित कार्यसमितिले क्याम्पसमा प्राध्यापकहरूको पेशागत हकहित, शैक्षिक वातावरण सुधार तथा क्याम्पसको शैक्षिक विकासमा रचनात्मक भूमिका निर्वाह गर्ने अपेक्षा गरिएको छ । प्राध्यापक सङ्घले प्राध्यापकहरूबीच समन्वय र सहकार्य बढाउँदै क्याम्पसको समग्र शैक्षिक गुणस्तर अभिवृद्धिमा योगदान पुर्याउने बताइएको छ । त्रिभुवन आदर्श बहुमुखी क्याम्पस स्याङ्जा सदरमुकाम पुतलीबजारमा रहेको पुरानो सामुदायिक शैक्षिक संस्था हो । क्याम्पसमा प्राध्यापक सङ्घको नयाँ कार्यसमिति गठनसँगै प्राध्यापकहरूको संस्थागत प्रतिनिधित्व र पेशागत गतिविधिलाई थप व्यवस्थित बनाउन सहयोग पुग्ने विश्वास गरिएको छ ।
नेपाल अपडेट
-
बजेट खर्च हुनु मात्रै विकास होइन, प्रतिफल देखिनुपर्छ
-
सुशासनसहित समृद्ध भीरकोट निर्माणमा प्रतिबद्ध छौँ
-
विकासले भू–दृश्य मात्र होइन, इतिहास पनि बदल्छ
-
मनसुनजन्य विपद्को सामाना गर्न पूर्ण तयारीमा छौ
-
प्रकाशकीय— १३ वर्षको यात्रा : सत्य र जनविश्वासको निरन्तर अभियान
-
वालिङ उद्योग वाणिज्य संघको नेतृत्वमा अनुपमा तिवारी
-
सम्पादकीय— ‘बजेटमा जनअपेक्षा’
-
फुटको होइन, एकताको दबाब सिर्जना भइरहेको छ
-
गल्याङमा कृषि बजार संचालन
-
स्याङ्जामा हुट र छत राखेका सवारीसाधनलाई निशेध
प्रतिक्रिया